Tomas Myuller "Yuventus" yana himoyaviy o'yin ko'rsatadi deb o'ylamoqda

"Ishonchim komil, "Yuventus" javob o'yinida ham himoyaviy o'yin ko'rsatadi. Biz esa yaxshi va chiroyli o'yin ko'rsatishni istaymiz. Uchrashuvning dastlabki daqiqalaridanoq tashabbusni o'z qo'limizga olib, o'yinni nazorat qilish rejamizda bor. Bu borada ishqibozlarimizning ko'magi ham bizga qo'l keladi. O'z imkoniyatlarimizdan to'liq foydalanmog'imiz lozim. O'yin debyutidayoq yaratiladigan vaziyatlarni golga aylantirish zarur.  Men o'z kuchimizga ishonaman. Lekin biz etiborliroq bo'lishimiz kerak. CHunki birinchi bellashuvda raqib ko'p vaziyatlar yaratmasdan turib darvozamizni ikki marotaba ishg'ol etishni uddasidan chiqqandi. "Yuventus" sifatli futbol ko'rsatadi. SHu bois ancha ehtiyotkor bo'lish zarur. Nimchorak final bosqichidagi eng markaziy va qiziqarli to'qnashuv o'z maqomini oqlaydi. CHunki har ikkala jamoa uchun juda qiyin sinov bo'ladi. Bizni nursiz durang ham qoniqtiradi? Biz ushbu hisobni ushlab qolish maqsadida o'ynashimiz mumkinmi? Yo'q, biz durang natijasini ushlab qolish maqsadida maydonda tushadigan jamoalar sirasiga kirmaymiz. Ammo yakunda shu natija qayd etilsa ham ranjimaymiz, balki buni xursandchilik bilan qabul qilamiz", - deydi Myuller.