Muloqot davomida Jasur Jaloliddinov Italiyaning “Benevento” jamoasiga o'tishi haqidagi savolga atroflicha javob berdi.
“Ochig'ini aytadigan bo'lsam Italiyaga ketishimni imkoniyatlari ancha pasayib ketdi. Odldin 50/50 bo'lib turgandi. Hozirda Italiya A seriyasi tugul, B seriyasini ham qachon boshlanishi aniq emas. “Benvento”ni A seriyaga chiqishi nomalum. Hali mamlakat futboli rahbarlari bir qarorga kelgani yo'q. SHuning uchun u erga borishimni foizda aytadigan bo'lsam deyarli kam.
To'g'risini aytsam hamma gap “Bunyodkor” rahbariyatida. Agar karantin, koronavirus bo'lmaganida tug'ilgan kunimni ertasi kuni qaysidir jamoaga o'tib ketishim ham mumkin edi. Moldova, Serbiya chempionatlariga bormayman. Imkoniyat kelib turganda iloji boricha kuchliroq chempionatga borishga harakat qilaman.
Qaysidir jamoa bilan rasman kelishmasimdan oldin ommaga tarqalib ketishini xohlamayman. Masalan, “Benevento”ga o'xshab hal bo'lmay qolsa odamlar noto'g'ri o'ylashi mumkin. Biron bir jamoaga o'tmasimdan oldin xabarlar tarqalishini noto'g'ri deb hisoblayman",- deydi iqtidorli yosh futbolchi.
Jasur Jaloliddinov o'tgan mavsumda 20dan ortiq uchrashuvda 3ta gol urdi va jamoadoshlarining ko'plab gollariga assistentlik qildi. Joriy mavsumda esa Superligada 3ta uchrashuvda maydonga tushdi va bitta gol urdi aniqrog'i ikkinchi turda "Mashal" darvozasiga kiritgan to'pi "Bunyodkor"ga uch ochko olib keldi.
Kechagi "Tezor studiya"ni quyida tomosha qilish mumkin:
Bosh sahifaga
863