Tajribali hujumchi Bahodir Pardaev jonli efirdagi muloqot davomida uchinchi bor jamoaga qaytgani va futbolchilarning tez-tez klub almashtirishlarga o'z munosabatini bildirdi.
“Bu jamoaga qaytganimdan xursandman. Taklif qilgan murabbiylar hususan Vadim Abramovga minnatdorchilik bildiraman. Men o'z uyimga qaytgandek bo'ldim. Bir tomondan o'zim ham xohladim. Klubdagilar menga begona emas. SHuning uchun qaytishga qaror qildim. “Metallurg” bilan yaxshilikcha va do'stona xayrlashdim. Bekobod jamoasining murabbiylar shtabiga, muxlislariga minnatdorchilik bildiraman.
Klubdan-klubga sakrab yuraverishga o'zim qarshiman. Masalan, bitta jamoada ikki yoki uch yil, o'n yillab o'ynaydigan o'yinchilar bor. Har yarim yil, bir yilda jamoa almashtiraverish klubga moslashib ketishga to'sqinlik qiladi. Bir jamoada o'rin topib ko'p yil to'p tepishni maqul deb bilaman”,- deydi mahoratli hujumchi.
Bahodir Pardaev faoliyati davomida “Bunyodkor”, “Nasaf” “Buxoro”, “Paxtakor”, Janubiy Koreyaning “Puchon-1995”, “Qo'qon-1912” klublarida to'p tepgan.
Kechagi "Tezor studiya"ni quyida tomosha qilish mumkin:
Bosh sahifaga
255