"Manchester Yunayted" klubi bosh murabbiyi Ole-Gunnar Sulsher muxlislar uchun ajoyib xushxabarni aytib o'tdi. Uning so'zlariga ko'ra, jamoa hujumchisi Markus Reshford va yarim himoyachisi Pol Pogba jarohatdan to'liq tiklandi va maydonga tushishga tayyor.
Reshford kechagi mashg'ulotga kelayotgan payt.
Reshford belidagi jarohati to'liq tuzalmay turib yana qaytalab olgani bois yanvar oyidan beri maydonga tushmayotgan bo'lsa, Pogba esa oyoq osti va to'pig'idagi jarohat sabab mavsumning katta qismini o'tkazib yubordi.
"Ularning ahvoli yaxshi, mashg'ulotlarda ishtirok etishmoqda va boshqalar bilan bir xilda ishlashmoqda.
Hozircha hech qanday salbiy reakciyalar yo'q. Katta ehtimol bilan mavsum qayta tiklanganda to'liq tarkibda tayyor bo'lamiz", - dedi Sulsher klub rasmiy saytiga bergan intervyusida.
Pol Pogba kechagi mashg'ulotga kelayotganda.
Eslatib o'tamiz, MYU o'yinchilari hozircha kichik guruhlarga bo'lingan holda masofa saqlab mashg'ulotlar olib borishmoqda.
Bosh sahifaga
1850