Bundesliga. Pyontek gol urib, "Gerta"ni mag'lubiyatdan qutqardi, "Leypcig" esa ochko yo'qotdi

81. PENALTI! "Leypcig" futbolchisi Mateus Kunyani o'z jarima maydonchasida yiqitdi.

71. "Gerta"da ikkitalik o'zgarish: Darida o'rniga Pyontek, Lukebakio o'rniga Dilrosun bahsga qo'shildi. O'tgan mavsum katta shov-shuvlarga sabab bo'lgan Kshishtof Pyontekni esladingizmi?

68. GOOOL! Kamdan-kam sodir bo'ladigan gol! Darvozabon Patrik SHik bergan zarbadan so'ng to'pni egallab olgandek ko'rindi, ammo to'p sekin dumalab darvozaga kirib ketdi. "Leypcig" bir kishi kam bo'lsada hisobda oldinga chiqib oldi.

66. O'zgarish: Nkunku o'rniga "Manchester Siti"dan ijaraga olingan Anxelino maydonga tushdi va qo'lidagi yozuvni Zabicerga berdi. Qog'ozda Nagelsmanning yangi ko'rsatmalari borligi aniq.

63. Marsel Xalstenberg o'yindan chetlatildi! Futbolchi o'z jarima maydonchasi yonida raqibga nisbatan qo'pol o'ynab, ikkinchi sariq kartochkani oldi va jamoasini og'ir ahvolga solib qo'ydi.

55. Patrik SHik Vernerning uzatmasidan so'ng to'pga qaychi uslubida zarba berishga urindi, ammo to'p darvoza tomonga bormadi va xavf bartaraf etildi.

49. Tayler Adams to'pni "Gerta" jarima maydonchasi ichiga tashladi, ammo uni darvozaga buradigan futbolchi topilmadi.

46. Ikkinchi bo'lim boshlandi.

- Tanaffus paytida foydalanilgan to'plarni dezinfekciya qilishdi va endi bahsni qo'rqmasdan davom ettirish mumkin.

TANAFFUS

45. Birinchi bo'limga 4 daqiqa qo'shib berildi.

43. Hujumlar ko'proq "Leypcig" tomonidan tashkil etilmoqda. Ammo jarima maydonchasiga uzatilayotgan to'plardan naf bo'lmayapti.

37. Klostermannga nisbatan qoida buzildi. "Leypcig" raqib darvozasidan 25 metr uzoqlikda standart ishlab oldi. Zabicerning zarbasi himoyachiga tegib maydonni tark etdi. Burchakdan uzatilgan to'pni mehmon jamoa himoyachilari qaytarib yuborishdi.

28. Verner raqib jarima maydonchasiga yorib kirdi, ammo to'pni o'zida saqlab qolish uchun qoida buzdi.

24. GOOOL! KLOSTERMANN! Lukas Nkunkuning uzatmasini golga aylantirdi va hisobni tenglashtirdi.

15. Bu esa Berlin klubinig bosh murabbiyi Bruno Labbadia. "Gerta"ning joriy mavsumdagi to'rtinchi ustozi.

14. Koronavirus tufayli "Leypcig" ustozi Yulian Nagelsmann shunday uslubda intervyu berdi.

11. O'zgarish: Golli pas sohibi Plattenxard oldinroq raqib futbolchisi bilan to'qnashib, jarohat olgani uchun almashtirildi. Uning o'rnini Maksimilian Mittelshtedt egalladi.

9. HISOB OCHILDI! "Gerta" kutilmaganda raqib darvozasini ishg'ol qildi. Plattenxard to'pni burchakdan o'yinga kiritdi va Marko Gruich gol muallifiga aylandi.

7. Stadion qo'riqchisining o'ziga xos niqobi.

6. Bahsning dastlabki 5 daqiqasi mezbonlarning ustunligi ostida o'tdi, biroq hisob ochilgani yo'q.

1. Uchrashuv boshlandi!

------------------------------------------------------------------------------------------------------ 

"Leypcig" – "Gerta" LIVE

21.30, «Red Bull Arena Leypcig»

"Leypcig": Gulachi, Xalstenberg, Upamekano, Klostermann, Nkunku, Laymer, Olmo, Zabitcer, Kampl, Verner, SHik.

"Gerta": Yarsteyn, Boyata, Pekarik, Plattenxardt, Torunariga, Darida, SHelbred, Gruyich, Lukebakio, Ibishevich, Mateus Kunya.