Murabbiy intervyu davomida klubning maqsadi va boshqa masalalar haqida fikr bildirib o'tdi. Malumot o'rnida aytish joizki, Kumikovning oxirgi jamoasi “Atirau” bo'lgan edi.
- Viktor Balyutovich karantin davrini qanday o'tkazyapsiz? Nimalar bilan bandsiz?
- Karantin boshlanganda O'zbekistonga kelgan edim. So'ng mehmonxonaga joylashdim. Na iloj taqdir shu ekan.
- Nima deb o'ylaysiz, koronavirus jahonda futbolning rivojlanishiga qay darajada jiddiy tasir qildi?
- Bu virus futbolga o'z tasirini o'tkazmay qolmadi. Qanchalik jiddiy ekanligi karantin muddatining davomiyligiga bog'liq.
- “Atirau” jamoasi boshqaruvidan ketganingizdan so'ng katta futbolni sog'indingizmi?
- Yo'q, unchalik emas. O'zimni ishlarim bilan shug'ullandim. Mashg'ul bo'ladigan ishingiz yoki yumushingiz bo'lsa yana ham yaxshi bo'ladi.
- “Andijon” bosh murabbiyiga aylanishingiz qanday ro'y berdi?
- Ajablanarli bo'lmadi. Hammasi oddiy. Klub rahbarlari meni O'zbekistonda ekanligimdan xabar topishdi va aloqaga chiqishdi. Barcha masalalarda kelishib oldik va shartnoma imzoladik.
- Klub mutasaddilari oldingizga qanday vazifa va maqsadlarni qo'ydi?
- Hozircha katta vazifalar qo'yilmagan. asosiysi turnir jadvalining quyi o'rinlaridan joy olmaslik. Rahbarlar jamoadagi vaziyatga real ko'z bilan qarashmoqda. Moliyalashtirishga qarab kelajakka umid bilan qarasak bo'ladi.
- “Andijon” O'zbekiston Superligasining ortda qolgan uchta turidan so'ng pastki o'rinlarni egallab turibdi. Bu sizni tashvishga solmayaptimi?
- Yo'q, aslo xavotirga tushayotganim yo'q. Jamoaning o'yinlarini ko'rdim, vaziyatni ijobiy tomonga o'zgartirsa bo'ladi.
- Qozog'iston chempionatidan joriy yilda takliflar bo'ldimi?
- Menga hech qanday chorlovlar bo'lmadi. Biron bir klubdan taklif olmadim.
- Agar kelajakda sizga Qozog'iston klublaridan qiziqish yoki aniq takliflar bo'lsa qabul qilasizmi?
- Taklif bo'lsa - nega yo'q deyishim kerak ekan?
Ilya CHernyatin suhbatlashdi. O'zbek tiliga Abdulaziz Iskandarov tarjimasi.
Bosh sahifaga
291