SHu munosabat bilan "So'g'diyona" jamoasi hujumchisi SHohruz Norxonov bilan karantindan keyingi futbolga qaytishga oid fikrlari bilan qiziqdik.
- SHoxruz aka, uzoq tanaffusdan so'ng O'zbekistonda futbol qaytish arafasida. Futbolchilarning sport formasini tilab olishlariga qancha vaqt etadi?
- Hamma kutayotgan xabar chiqdi. Albatta bundan juda xursandmiz, lekin gigiena qoidalariga rioya qilgan holda ishlash zarur. Futbolchilar o'z formalarini tiklab olishiga 2 hafta etadi deb o'ylayman.
- Legionerlar qaerda? Agar vatanlariga ketishgan bo'lishsa qachon qaytishadi?
- Legionerlarimizning aksariyati klub bilan birga. Uyiga qaytib ketgan legionerlar agar O'zbekistonga qayta olishmasa bu mahalliy futbolchilarga foyda bo'ladi deb o'ylayman.
- Yangi qoidalarda o'yin davomida besh futbolchini almashtirilish mumkin deya belgilandi. Ushbu holatga munosabatingiz qanday?
- 5 nafar futbolchini almashtirish foydali bo'ladi deb o'ylayman. SHu orqali futbolchilarning jarohat olishini oldini olishi mumkin.
- "So'g'diyona" jamoasi ayni vaqtda 3-turdan so'ng 1 ochko bilan turnir jadvalida 13-pog'onada...
- Haqiqatan ham 13-o'rinda bo'lganimiz yomon holat. Bu faqat hozircha, oldinda o'yinlar ko'p. Albatta keyinchalik jamoa yuqori o'rinlar uchun kurashadi.
Og'abek Samisov suhbatlashdi
Bosh sahifaga
328