Jonli efir davomida futbolchi muxlislar tomonidan berilgan Franciya chempionatidan tushgan taklif haqidagi savolga javob berib o'tdi.
“O'shanda musobaqa davomida Urugvay bilan o'yinda kutilmagan jarohat olgandim. Endi bu har bir sportda bo'ladigan holat hisoblanadi. O'sha payt biz faqat shunaqa gaplarni eshitganmiz, xolos. Franciyadan, Turkiyadan, Rossiyadan takliflar bo'lganligi haqidagi malumotlar qulog'imizga chalingandi. Bir tomondan yosh bo'lganmiz, transferlarga aqlimiz etmagan. Lekin, u takliflar yuz foizligi aniq emas. U paytda men “Paxtakor”da o'ynardim. Barchasini ular hal qilardi. Balki, klub rahbarlarini xabari bo'lgandir. SHaxsan o'zim bilmayman. O'zimga chiqishmagan bu haqda.
2013 yil Turkiyadagi Jahon chempionati faoliyatimdagi eng yorqin turnirlardan biri sanaladi. Franciya bilan o'yinni tribunada tomosha qilgandim. Raqib safida Pogba, Umtiti, Zuma kabi futbolchilar o'ynashgandi”, - deydi Jamshid Iskanderov.
Malumot o'rnida aytish mumkinki, 2013 yil Ahmadjon Musaev boshchiligidagi yoshlar terma jamoamiz kichik mundialda nimchorak finalda Evropa qitasi vakili Greciyani mag'lub etgan holda chorak finalgacha etib kelishgan edi. Yarim final yo'llanmasi uchun kechgan bahsda esa Franciyaga 0:4 hisobida engilgandik. SHunday bo'lsada yosh futbolchilarimiz ilk bor o'z yosh toifalarida jahonning eng kuchli 8 terma jamoasi qatoriga kirishgandi. Bundan avvalgi Jahon chempionatlarida (2003, 2009) esa guruh bosqichidayoq o'z ishtirokimizni yakunlashga majbur bo'lganmiz.
Quyida "Tezkor studiya"ni tomosha qilish mumkin:
Bosh sahifaga
1369