"Kechagi o'yinni yomon boshladik va gollar o'tkazib yuborildi. Keyinchalik o'zimizga kelib, o'z o'yinimizni yo'lga qo'ydik. Birinchi bo'lim gollarga boy tarzda o'tdi. O'ylashimcha, mazkur bahs muxlislarga yoqdi. Lekin yakunda g'alaba qo'ldan chiqarildi.
Urgan golimga keladigan bo'lsam, xursandman. Nihoyat Belarus chempionatidagi gollarim sonini ochib oldim.
Haqiqatdan ham hozirgi jamoadagi rolim birmuncha boshqa. Yani, avval chap qanot vingerida o'ynardim. Deyarli orqaga qaytmasdim. "Energetik"da esa butun qanot bo'ylab harakatlanishim, orqaga qaytib, himoyaga ham yordam berishim lozim. Bunga ko'nikish oson bo'lmadi. Juda ko'p mehnatni talab qiladigan rol. Ayni dam bu rolga moslashib, ko'nikib qoldim.
Koronavirus? Bizning jamoadan bunday holat aniqlanmagan. SHunchaki jamoadoshimiz, legioner Junior shamollab qolgandi. Murabbiy esa tavakkal qilmadi va futbolchini uyida qolib davolanishiga imkoniyat berdi. Keyinchalik matbuotda noto'g'ri malumot sizdirildi. Butun jamoadan test olishdi, hech kimda koronavirus aniqlanmadi. Hammasi joyida. Bularning barchasi yolg'on, shunchaki gap-so'zlar.
Bizni har mashg'ulotlardan avval qatiy tekshirishadi, doimiy nazoratdamiz. Murabbiy futbolchilardan ko'chaga chiqmaslikni, doim uyda qolishni talab qiladi. Uydan faqat mashg'ulotlar payti chiqamiz, qolgan paytda uyda o'tirish qoidasiga amal qilyapmiz.
Belarusda koronavirus avjiga chiqqan bo'lsada, odamlar ana xotirjam. Hech qanday vahima yo'q. Barcha xotirjam va vahimasiz o'zining ehtiyotini qilib yuribdi. Qo'limizni juda ko'p va tez-tez yuvib, hech kim bilan qo'l bilan so'rashmasdan yuribmiz", - deya gapirib o'tdi SHahboz Umarov saytimiz muxbiri bilan bo'lgan suhbatda.
Eslatib o'tamiz, Umarov va Yaxshiboev faoliyatini davom ettirayotgan "Energetik BGU" jamoasi Belarus chempionatida ayni paytda ikkinchi pog'onada ketmoqda. Kecha jamoa 11-tur doirasida "Vitebsk" bilan jangovor durang qayd etdi. Mazkur bellashuvni Yaxshiboev o'tkazib yuborgan bo'lsa, Umarov o'zining debyut golini kiritishga muvaffaq bo'ldi.
Belarus chempionati. "Energetik-BGU" 90+5 daqiqada g'alabani qo'ldan chiqardi, Umarov esa musobaqadagi ilk golini urdi (+jadval)
Bosh sahifaga
463