Superliganing 3-turidan o'rin olgan “Andijon” hamda “Navbahor” jamoalari o'rtasidagi uchrashuvdan keyin, barcha jamoalar singari “Andijon” jamoasi ham karantirga yo'l olgan edi. Oradan malum muddat o'tgach, O'zPFL Superliga jamoalariga mashg'ulot o'tkazish uchun rasman ruxsat berdi.
Viktor Kumikov boshchiligidagi "Andijon" jamoasi azolari o'tgan kuni Yangier shahriga to'planishdi. Mashg'ulotlarni boshlashdan oldin klub rahbariyat, murabbiylar shtabi hamda futbolchilar o'rtasidagi yig'ilish bo'lib o'tdi va unda klub rahbariyati futbolchilardan karantin qoidalariga jiddiy amal qilishlarini talab qildi.
So'ngra, “Andijon” jamoasi yangi bosh murabbiy Viktor Kumikov qo'l ostidagi rasmiy birinchi mashg'ulotlarini o'tkazdi.
“Andijon” jamoasi ikki tarkibga bo'lingan holda o'zaro nazorat uchrashuvini o'tkazdi.
Unda Viktor Kumikov tarkibni quyidagicha tanladi:
“Ko'klar”: Islom Abdullaev, Usmonali Ismonaliev, Dmitro Zozulya, Xushnud Avilov, Azamat Isroilov, Jamshid Hasanov, Farhod Bekmuratov, Abdulloh Olimov, Muhammadaziz Ibrohimov, Siroj Meliev, Artyom Litvyakov.
“Yashillar”: Arslan Axrorov, Asilbek Azizov, Nodir Mavlonov, Emmanuel Arivachukvu, Farhod Mirahmatov, Jahongir Abdumo'minov, Baxtiyor Qosimov, Ibe Okoro, Doniyor Abdumannopov, Timur Usmanov, Muhammad Yo'ldoshev.
Ushbu nazorat uchrashuvida “Ko'klar” 2:0 hisobida g'alaba qozondi. Kiritilgan gollarga Abdulloh Olimov va Farhod Bekmuratov mualliflik qilishdi.
Bosh sahifaga
457