Joriy yilda katta maqsadlar sari yo'lga chiqqan Baxtiyor Ashurmatov boshchiligidagi “Qo'qon-1912” jamoasi azolari ham bugundan mashg'ulotlarga kirishishmoqda. Rejaga ko'ra jamoa 1-6 iyun kunlari Qo'qon shahrida yig'in olib boradilar. 8 iyundan boshlab mashg'ulotlar Toshkentga ko'chiriladi. Biz bilan suhbatdan bo'lgan jamoa posboni Botirali Ergashev o'z fikr va mulohazalarini bildirdi.
“Individual mashg'ulot bilan, jamoaviy mashg'ulotni farqi katta. Jamoa bilan birga bajarganiz foydaliroq va yaxshiroq. To'g'ri, darvoza chizig'i vakillarini yakka tartibda mashqlarni bajarishi qiyin. Bunda menga yaqindan ukam katta yordam berdi. Kiperlar uchun alohida dastur berildi va shu asosida mashqlarni uyda bajardim.
Mashg'ulotlarga va Superliga o'yinlarini o'tkazishga ruxsat berilganligi haqidagi xabar juda quvontirdi. Futbolni va yashil maydonni ancha sog'indik.
Mavsumni yaxshi boshlab oldik va g'alabalarni qo'lga kiritdik. Nasib qilsa xuddi shu ruhda davom etishga astoydil harakat qilamiz. Bizga bildirilayotgan ulkan ishonchlarni oqlaymiz degan umiddaman. Tarkibimiz ajoyib ko'rinish olgan, legionerlar va tajribali mahalliy futbolchilar uyg'unlashgan. Sovrinli o'rinlar uchun kurashishimizga hamma narsa etarli.
Ochig'i, “Bunyodkor” bilan o'yinni orziqib kutyapman. Qaysi jamoaning imkoniyatlari yuqori? Ikki jamoa ham bir xil holatda va imkoniyatlari teng. Qalban biz bilan birga bo'layotgan ishqibozlarni muvaffaqiyatli natijalarimiz bilan xursand qilishni istaymiz”,- deydi Botirali Ergashev.
Eslatib o'tamiz, “Qo'qon-1912” jamoasi navbatdagi uchrashuvni 13 iyun kuni “Bunyodkor”ga qarshi mehmonda o'tkazadi.
Bosh sahifaga
286