Bunda asosan Osiyo chempionlar ligasining navbatdagi uchrashuvlarini qay tarzda o'tkazish masalasi ko'rib chiqildi. Ushbu konferenciyada SHarq mintaqasidan Avstraliya, Xitoy, Yaponiya, Janubiy Koreya, Malayziya, Tailand va G'arb mintaqasidan Eron, Qatar, Saudiya Arabistoni, BAA, O'zbekiston klublari vakillari ishtirok etishdi.
OFK birinchi navbatda Osiyo chempionlar ligasini imkon qadar tezroq davom ettirishni maqsad qilgan. Eng muhimi, musobaqani dekabr oyigacha tugatib olish. CHunki dekabrda Qatarda klublar o'rtasidagi jahon chempionati o'tkaziladi, ungacha esa OFK OCHL g'olibini aniqlab olishi lozim bo'ladi. Buyog'iga yana 99ta o'yin qolgan va koronavirus pandemiyasi sabab o'yinlarni o'tkazish oson bo'lmaydi.
OFK musobaqalar qo'mitasi bugungi uchrashuvda klublarga OCHL qachon va qanday tartibda davom etishini keyinroq malum qilishini aytdi. Katta ehtimol bilan markazlashgan holda uchrashuvlarni o'tkazish varianti ilgari surilyapti. SHuningdek, qo'mita vakillari kecha OFK Kubogining G'arb mintaqasi ishtirokchilari bilan ham muloqot tashkil etishdi. Endilikda Janub, Markaziy, ASEAN va SHarq vakillari bilan shunday uchrashuv o'tkazish ko'zda tutilmoqda.
Albatta, OFK faqat klublar o'rtasidagi ikkita katta musobaqani qanday tugatib qo'yish bilan ovora bo'lib qolayotgani yo'q. Tashkilot oldida shuningdek, JCH-2022 saralash bosqchini qay tarzda davom ettirish hamda futzal bo'yicha Osiyo chempionati, U-19, U-16 Osiyo chempionatlarini bexavotir o'tkazib olish vazifasi ham turibdi.
Bosh sahifaga
290