«Tezkor Studiya» ko'rsatuvini ommaviyligini yanada oshirish hamda darajasini ko'tarish maqsadida u erdagi fikr mulohazalar professional tarzda o'tishi uchun saytimiz O'zbekiston milliy terma jamoasi, «Navbahor» va «Paxtakor»dagi o'yinlari orqali millionlab muxlislarni olqishiga sazovor bo'lgan sobiq futbolchi — Leonid Koshelev bilan kelishuvga erishdi. Taniqli mutaxassis, O'zbekistonning bir necha karra chempioni bo'lgan sobiq yarim himoyachi endilikda o'zbek futboli bo'yicha «Tezkor Studiya» dasturida professional ekspert sifatida faoliyat yuritadi.
Qisqa fursatda futbol jamoatchiligi va muxlislar tomonidan etiroflarga sazovor bo'layotgan «Tezkor Studiya» avvaldan qator mavzularda mutaxassislar fikri bilan qiziqqan. Ko'rsatuv boshlovchisi Kamoliddin Alimov hamda doimiy ishtirokchilar, saytimiz ekspertlari — SHahboz Beg'amov hamda Tolibjon Qosimov "uchligi"dan iborat tarkib endilikda yanada professional tarzda shakllantiriladi.
SHu bois futbol mavzusida o'z sohasi mutaxassis bo'lgan Leonid Koshelev dastur ekspertiga aylanadi. SHuningdek, tez kunlarda, Ispaniya, Italiya, Germaniya va Angliya chempionatlari hamda evrokuboklar bo'yicha ham ekspertlarimiz bilan tanishib olasiz.
Bilasiz, MDH mamlakatlari orasida eng mashhur kanal "Match TV" telekompaniyasi o'zining doimiy studiyalari, xususan RPL o'yinlari uchun maxsus ekspertlar, yani soha mutaxassislari bo'lgan sobiq futbolchilar yoki murabbiylar xizmatidan foydalanib keladi. Xususan jahon futbolida Gari Lineker, Gari Nevill, Andrey Arshavin va Andrey Talalaev singari mutaxassislar tur o'yinlari tahlili bilan bevosita kanal studiyalarida faoliyat yuritishadi.
"Championat.asia" sayti doim xolis tahliliy va tanqidiy ruhda o'z faoliyatini davom ettiradi. Barcha mavzu va muhokamalarda soha mutaxassislarini eshitib, vaziyatga xolis baho berishga intiladi. Aynan mazkur jihat saytimiz tanlagan yo'l va ustuvor vazifa hisoblanadi. O'zbek futbolini chuqur tahlili, har o'yin va detallarga professional tarzda yondoshish "championat.asia" aniq poziciyasi.
Turning ramziy jamoasi, eng yaxshi futbolchi yoki darvozabon kabi laureatlarni ham har turda aniqlashni saytimiz ilk bor yo'lga qo'ygan va bunda tahliliy yondoshib, mantiqan ish yuritgan. Buyog'iga ham saytimiz yanada professionallik sari qadam tashlamoq harakatida.
"Championat.asia" sayti hamda «Tezkor Studiya» dasturi muxlislarini hal oldinda katta yangiliklar kutmoqda. Bizni kuzating va "championat.asia" sizga o'zbek futboli hamda evrofutbolga aniq ko'zgu tutadi.
Bosh sahifaga
159