Bu yilgi Pro-liga va O'zbekiston kubogi formati o'zgaradi

Olingan malumotlarga ko'ra, undan keyingi o'rinda turuvchi Pro-liga bahslariga iyun oyi so'nggi kunlarida start beriladi.

Dastlab ushbu liga klublari O'zbekiston kubogi o'tish bosqichida ishtirok etishadi. Ushbu bahslar 23 iyun kuni start olishi kutilmoqda. Yani 8ta klub qura yordami bilan 4ta juftlikka bo'linadi va bitta o'yinda 4ta g'olib aniqlanadi. Bunda qaysi klub mezbon bo'lishini qura hal qiladi. 4ta g'olib jamoa ham bitta o'yin orqali ikki g'olibni aniqlashadi. Aynan o'sha ikki g'olib klub O'zbekiston Kubogi guruh bosqichiga yo'llanmani qo'lga kiritadi. Guruh bosqichida Superliganing 14ta va Pro-liganing 2ta g'olib klubi ishtirok etadi.

Pro-liga bahslari formatida ham o'zgarish ro'y beradi. 8ta klub uy-safar tizimida ikki davrali musobaqada qatnashishadi. 16ta turdan keyin 1-4-o'rindagi klublar Superligaga chiqish uchun kurashni davom ettirishadi, 5-8-o'rindagi klublar esa Pro-ligada qolish uchun kurashishadi. Bunda 2018 yil Superligada bo'lgani kabi oltin ochkolar bo'lishi nazarda tutilmoqda. 2020 yilgi Pro-liga g'olibi to'g'ridan-to'g'ri Superligaga yo'llanmani qo'lga kiritsa, ikkinchi o'rinni olgan klub Superligada 13-o'rinni band etgan klubga qarshi pley-off bahsini o'tkazadi.

Bundan tashqari U-18 chempionati davom ettirilmaydi va bu yoshdagi jamoalar o'z hududlaridagi ikkinchi liga musobaqasida ishtirok etishadi.

Eslatib o'tamiz, 2020 yilgi Pro-ligada "Neftchi" (Farg'ona), "Istiqlol" (Farg'ona), "Turon" (Yaypan), "SHo'rtan" (G'uzor), "Dinamo" (Samarqand), "Xorazm" (Urganch), "Oq-tepa" (Toshkent) va "Zomin" (Zomin) klublari ishtirok etishadi. Mart oyi boshida Pro-ligaga qura tashlangan biroq o'yinlar sanalari malum emas edi.