Kosonsoyda taraddud davom etmoqda...

To'g'ri ayrim sabalarga ko'ra jamoamiz O'zbekiston kubogi musobaqasida ishtirok etmagan bo'lsada aprel oyining dastlabki haftasida boshlanajak 1-liga turniriga tayyorgarlik jarayonini o'tkazmoqda. Hozirda jamoamiz mahalliy futbolchilar bilan birga bir qator tajribali futbolchilar mashg'ulotlarda ishtirok etishmoqda. Xususan, Sardor Telyakov, Davron Isoqov, Sardor Asqarov, Muhammad Rasulov, Murod Xolmonov  kabi o'nlab tajribali futbolchilar ham jamoamiz safida ko'rikdan o'tishmoqda. Futbolchilarimizni ayni kunlarda Abdulvosit Azizov, Mehmon Solixo'jaev,  SHuhart Bozorov va Olimxon Tursunxo'jaevdan iborat murabbiylar shtabi shug'ullantirib turishmoqda.

Klubimizga tegishli bo'lgan “Markaziy” o'yingoh joriy tamirdan chiqarildi va yangi mavsumga shay holatga keltirildi.

Aytgancha, o'tgan yilgi tarkibdan Aziz Matkarimov, Sardor Sotiboldiev, Abdurazzoq Jo'raevlar “Cementchi”da, Islom Imoilov “Obod”da, Azizbek Mamazoitov va Mirg'ofur Abdulboqievlar “Navbahor”da o'z faoliyatlarini davom ettirishadigan bo'lishdi. O'z navbatida biz ularga omad tilab qolamiz...

SHu o'rinda aytish joizki jamoamiz ayni kunga kelib PFL azolik badalidan mavjud bo'lgan qarzdorlikga barham bergan va bu boradagi turli mish-mishlarga o'rin qolmadi.

SHunday ekan, muxlislarimiz joriy mavsumda ham sevimli jamoamizdan chiroyli va  mazmunli futbol kutib qolishadi. Eslatib o'tamiz, “Kosonsoy” dastlabki 2 uchrashuvni safarda, aniqrog'i Buxorada (“Nurafshon” va “G'ijduvon”) o'tkazadi.