“Uch oyning ichida birinchi marta jiddiy raqib bilan uchrashdik. SHu bois bahs juda qiziqarli bo'ldi. Birinchi bo'limda "Navbahor" qarshi hujumlarda bir qator imkoniyatlar yuzaga keldi. Murabbiy sifatida aytishim mumkinki, birinchi bo'limda biz o'zimiz xohlagan narsani ololmadik. “Navbahor” ham “Nasaf” bilan bo'ladigan safardagi o'yinga tayyorgarlik ko'rayotgani uchun asosan qarshi hujumlarga tayanib to'p surdi. Biz ham birinchi taymda qarshi hujum taktikasini tanlagandik va o'z darvozamizga yaqinroq o'ynashni maqsad qilgandik. Lekin raqibimiz ham mehmondagi o'yinga tayyorgarlik ko'rayotgani uchun orqaroqqa o'ynashdi natijada o'ylagan maqsadimizga erisha olmadik.
Ikkinchi bo'limda nisbatan yaxshiroq o'ynadik va g'alaba qozondik. Bu o'rtoqlik uchrashuvdagi g'alaba hech narsani anglatmasligi mumkin. Lekin biz murabbiylar kamchiliklarga umuman olganda, ko'p narsalarga oydinlik kiritishga muvaffaq bo'ldik. Kimning necha daqiqa o'ynay olishi mumkinligini borasida savollarga ham javob topdik. Bugungi uchrashuv biz uchun foydali bo'ldi.
Uchta o'yindan beri ikki nafar hujumchi bilan o'ynayotgandik. Rayevac oxirgi mashg'ulotda biroz jarohat olgandi. SHuning uchun Bamba ikkinchi hujumchi vazifasini bajardi. Biz unga birinchi bo'limda yuqoriroq o'ynash lozimligini takidlagandik. Ikkinchi bo'limda esa legionerimizga ko'proq Azim Ahmedovga qarshi o'ynashga va imkoniyat bo'lishi bilan hujumchilarga yordam berishga ko'rsatma bergandik. Bu erda u tezkor hujumchimiz SHohnazar Norbekovni to'p bilan taminlashi lozim edi. Bamba ikkinchi bo'limda qarshi hujumlarda yaxshiroq o'ynadi”.
Bosh sahifaga
2123