Bundesliga 30-turida peshqadam "Bavariya" mehmonda "Bayer"ni 4:2 hisobida mag'lub etdi. Uchrashuvda myunxenliklarning to'rtinchi goliga Robert Levandovski mualliflik qildi. Ushbu gol polshalik uchun mavsumdagi 30chisi bo'ldi. SHu tariqa, Robert "Oltin butsa" uchun poygada yaqqol peshqadamlikni mustahkamladi.
Eslatib o'tamiz, ligalardagi koefficientlar har xil ko'rinishda: top-5 ligadagi har bir golga 2 ochko beriladi, biroz kuchsizrog'ida esa 1,5 ochko, masalan, Estoniya chempionatida 1 golga 1 ochko hisoblanadi.
"Oltin butsa" uchun poygada qatnashayotganlar:
1. Robert Levandovski ("Bavariya" (Myunxen), 30 gol × koefficient 2.0 = 60 ochko);
2. CHiro Immobile ("Lacio" (Rim), 27 × 2.0 = 54);
3. Timo Verner ("RB Leypcig" (Leypcig), 25 × 2.0 = 50);
4. Erling Xoland ("RB Zalcburg" (Zalcburg) / "Borussiya" (Dortmund) — 16 × 1.5 + 10 × 2.0 = 44);
5. Krishtianu Ronaldu ("Yuventus" (Turin), 21 × 2.0 = 42);
6. Lionel Messi ("Barselona" (Barselona), 19 × 2.0 = 38);
7. Jeymi Vardi ("Lester" (Lester), 19 × 2.0 = 38*);
8. Kilian Mbappe (PSJ (Parij), 18 × 2.0 = 36);
9. Vissam Ben-Yedder ("Monako" (Monako), 18 × 2.0 = 36);
10. Romelu Lukaku ("Inter" (Milan), 17 × 2.0 = 34)
* — Agar bir necha nafar o'yinchi bir xil ochko to'plasa, u holda ro'yxatdagi o'rinlar ularning har bir o'yinda urgan o'rtacha gollariga qaraladi. Masalan, 20ta golni 30ta o'yinda kiritgan futbolchi, xuddi o'shancha golga 32ta uchrashuvda mualliflik qilgan o'yinchidan yuqorida joylashadi.
Levandovski - "Oltin butsa" uchun poygada etakchi
Eslatib o'tamiz, "Oltin butsa"ning amaldagi g'olibi "Barselona" etakchisi Lionel Messi hisoblanadi. Argentinalik 2019 yilda ushbu sovrinni ketma-ket uchinchi bor, faoliyati davomida esa oltinchi bor qo'lga kiritgandi.
Bosh sahifaga
224