Nafaqa yoshiga etib bo'sh vaqtlari ko'paygach esa, kitob yozish uning asosiy vazifasiga aylandi. Axbor doda muallifligida jami 10 ta asar (ulardan 6 tasi o'quv qo'llanmalar) dunyo yuzini ko'rgan bo'lsa, eng so'nggi va va hajmi bo'yicha eng kattasi hisoblanmish “Asr futbolidagi asl qadrdonlarim” kitobi o'zbek futbolining 100 yilligini qamragan holda, o'zbek futboli enciklopediyasi sifatida ham tarif etildi.
12 yil davomida to'plangan malumotlar asosida bitilgan bu kitob ziyolilar va arboblar tomonidan ham yuksak etirof etildi. Yil boshida, Axbor doda 84 yoshga to'lishlari arafasida O'zbekiston Davlat jismoniy tarbiya va sport universiteti Kengashi qaroriga binoan u kishiga universitetning Faxriy professori unvoni berilgan edi. Kuni kecha esa Axbor doda yana bir yuksak unvonni qabul qilib oldilar. O'rta Osiyo Xalqlari tarixi instituti Turon Fanlar Akademiyasi Prezidiumining qarori bilan Axbor Imomxo'jaev akademiyaning haqiqiy azosi deb qabul qilindi va “Akademik” ilmiy unvoni bilan taqdirlandi. Yuksak unvon va bu haqdagi hujjatlarni otaxonga Turon Fanlar Akademiyasi prezidenti Haydarbek Bobobekov topshirdi.
Umrining 60 yilini futbol rivoji, targ'iboti va jurnalistikasiga bag'ishlagan Axbor doda Imomxo'jaevni Akademik unvoni bilan tabriklaymiz!
Bosh sahifaga
1762