“Barselona” hujumchisi Martin Braytvaytning aytishicha, u “Barselona”ga o'tishi oldidan klub bilan muzokar olib borayotgan vaqtda, rafiqasi undan shubhalangan.
“Barselona” bilan muzokaralar davom etayotgan vaqtda men bu haqda hech kimga, hech narsa demaganman. Faqatgina rafiqam biroz vaqt o'tib, bundan xabar topgan. Biz u bilan birga to'rt farzandni tarbiyalayapmiz, ushbu o'zgarish haqida unga aytmasam, hurmatsizlik bo'lardi.
“Barselona” vakillari bilan telefon orqali suhbatlashish uchun sovuq ob havoda har safar uydan tashqariga chiqarkanman, u mendan shubhalana boshlardi. Vaziyat shu darajaga borib etdiki, u mendan boshqa birortasini sevib qolgan-qolmaganligim haqida so'ray boshlagandi”, deya Braytvaytning so'zlaridan iqtibos keltirmoqda Sport.es.
Eslatib o'tamiz, “Barselona” 2020 yilning fevralida Braytvaytni “Leganes”dan 18 million evroga sotib olgandi. U yangi jamoasi safida Primeraning uchta uchrashuvida maydonga tushgan.
Bosh sahifaga
1290