Olgan malumotlarimizga qaraganda, futbolchi bugun charter reys orqali shartnoma imzolash uchun boshqa davlatga uchib ketgan. Hozirda yangi jamoa borasida aniq xabar yo'q. Fakt shundaki, 30 yoshli himoyachi Osiyoning kuchli mamlakati chempionatida o'ynashi kutilmoqda. U jamoaning "Metallurg"ga qarshi o'yin uchun qaydnomasiga ham kiritilmagan.
Oleg Zoteev "Lokomotiv" tarkibida 185 o'yinda 11 bora raqiblari darvozasini ishg'ol qilgan.
So'nggi yillarda "Lokomotiv" o'z futbolchilarini legionerga aylantirishda O'zbekistonning eng yaxshi klublaridan biri bo'lib turibdi. Ushbu mavsum arafasida "Lokomotiv"dan Islom To'xtaxo'jaev Xitoyning "SHenyang Urban", Jamshid Iskanderov Janubiy Koreyaning "Seongnam", Oston O'runov Rossiyaning "Ufa" hamda Sardor Mirzaev Tailandning "Muang Tong Yunayted" jamoasiga transfer qilingan bo'lsa, o'tgan mavsum ikkinchi yarmida "temiryo'lchilar"ni boshqargan Samvel Babayan Xitoyning "CHanchun Yatay" jamoasiga bosh murabbiy etib tayinlandi.
Bosh sahifaga
1955