Championat.asia sayti malumotiga ko'ra, Zoteev Janubiy Koreyaning "CHonnam Dragons" klubiga ko'chib o'tmoqda. Ushbu klub K2 ligada ishtirok etadi. Kecha himoyachi charter reysda Koreyaga uchib ketdi. Iyun oyi so'nggida Koreyada yozgi transfer oynasi ochiladi va mana shu muddatga qadar Zoteev 14 kunlik karantinda bo'ladi.
Malumot uchun, "CHonnam Dragons" 1994 yil tashkil etilgan. Klub o'z tarixida uch bor Janubiy Koreya futbol Associaciyasi kubogi sohibiga aylangan. O'z uy o'yinlarini 13496 tomoshabinga mo'ljallangan "Gwangyang Football Stadium" o'yingohida o'tkazib keladi. Ayni paytda jamoada mahalliy mutaxassis Jon Kyung Jun bosh murabbiy hisoblanadi. 2019 yilgi mavsumda "CHonnam" K2 Ligada 6-o'rinni egallagan edi. Bu mavsum klub 5ta o'yinda 7 ochko to'plab musobaqa jadvalining 5-pog'onasida bormoqda. Hozirgi kunda "CHonnam" safida ikki nafar legioner bor: braziliyalik Rodolfo va norvegiyalik Yulian Kristoffersen.
Eslatib o'tamiz, ayni paytda Janubiy Koreya K ligasida Ikrom Aliboev, Rustam Ashurmatov, Jamshid Iskandarov va Dostonbek Tursunov kabi legionerlarimiz faoliyat olib borishmoqda. K2 ligada esa o'zbekistonlik Xurshid G'iyosov o'ynamoqda.
Oleg Zoteev 1989 yil 5 iyul kuni tug'ilgan. 2010-2012 yillarda "Olmaliq" (hozirgi AGMK) klubida faoliyat olib borgan. 2013-2014 yillarda Toshkentning "Bunyodkor" klubida o'ynagan. 2015 yil boshidan buyon "Lokomotiv" sharafini himoya qilib kelayotgan edi. U O'zbekiston terma jamoasida hozirga qadar 24ta uchrashuvda maydonga tushib 1ta gol urishga muvaffaq bo'lgan.
Bosh sahifaga
1165