- Tachmurod SHamakovich, o'yin haqida fikringiz?
- O'yin qiyin bo'lishini sezgandim va shunday bo'ldi. Nima sababdan qiyin kechgani hammaga tushunarli. Juda qisqa vaqt tayyorgarlikka ega bo'ldik. 8-10 kun ichida nimani o'zgartirish mumkin? Mashg'ulotlarda barcha astoydil ishladi. Agar shu tartibda ishlashda davom etsak, yaxshi jamoani shakllantira olamiz.
- "Qizilqum" jismoniy jihatdan AGMKga nisbatan kuchsiz ko'rindi va asosan qarshi hujumlarda harakat qildi. Jismoniy kamchilik sababi nimada deb o'ylaysiz?
- Aytib o'tganimdek, bizda yaxshi hozirlik ko'rish uchun juda kam vaqt bo'ldi. Endi o'zingiz o'ylab ko'ring, deyarli uch oyga yaqin vaqt mobaynida jamoa futbolsiz qoldi. Hamma karantinda edi. Kimdir uyda individual mashg'ulot o'tkazdi, kimdadir esa bunga imkon bo'lmadi. SHu bois hozirgi vaziyatga to'g'ri qarash kerak. Bizga jamoani yaxshi tayyorlash uchun vaqt kerak bo'ladi.
- Jamoa haqida fikringiz?
- Hali biz ham kuchayamiz, bunga shubha yo'q. Mening kelganimga endi 8 kun bo'ldi. Jamoa esa men kelishimdan biroz oldin yig'ilgandi. Mana shu 8 kun ichida asosan sharoitlar bilan tanishishga ulgurdim. Bazani ko'rdim, klubdagi sharoitni o'rgandim. Klub menejeri Hamidjon Aktamov boshchiligidagi rahbariyat ko'p yaxshi ishlarni amalga oshirishibdi. Ularga rahmat. Endi bo'yog'iga faqat ishlashga to'g'ri keladi.
- "Qizilqum"ga moslashib ketishingiz uchun qancha vaqt kerak bo'ladi?
- Men allaqachon moslashib bo'ldim. Buyog'i futbolchilar mening qarashlarimga moslashishiga bog'liq. Bu esa vaqt o'tgan sari amalga oshib boradi.
Bosh sahifaga
982