Bellashuvni to'liq o'z nazoratida o'tkazgan “qaldirg'ochlar” kichik 1:0 hisobida g'alabani qo'lga kiritdi va muhim uch ochkoga ega chiqdi. Uchrashuvdan so'ng esa zaxiradan maydonga tushgan yarim himoyachi Abdulla Abdullaevning fikr va mulohazalari bilan qiziqdik.
“Qalban bizni qo'llab- quvvatlab turgan muxlislarimizni g'alaba bilan tabriklayman. Ancha vaqtdan keyin o'tkazilgan birinchi rasmiy o'yin uchun harakatlarimiz chakki chiqmadi deb o'ylayman. Bu hali hammasi emas. O'yindan o'yinga kuchayib boramiz va o'zimizning eng yaxshi uchrashuvlarimizni ko'rsatishga harakat qilamiz.
Albatta, bo'sh tribunalar qarshisida to'p tepish oson bo'lmadi. Ammo, ko'nikib borishga majburmiz. Muhimi ustunlik va to'p nazorati biz tomonda bo'ldi. Haqli ravishda g'alabaga erishdik. “Qo'qon-1912” ham jiddiy qarshilik ko'rsatdi. So'ngi daqiqalar yaqinlashgani sari bosimni oshirdik. Restartdagi g'alaba jamoamizning kayfiyatiga ijobiy tasir qilishi aniq. To'g'ri, golga tortadigan vaziyatlar yaratdik. Tezkor gol urib hisobni ochishimiz ham mumkin edi. Jarima zarbasidan keyin to'p darvoza ustuniga tegdi. Ko'proq to'p kiritib hisobni yirik ko'rinishga keltirishga urindik. Asosiysi uch ochkoni o'zimizniki qildik”,- deydi Abdulla Abdullaev.
Bosh sahifaga
227