Terma jamoa bosh murabbiyi Olim SHokirov O'zbekiston Futbol Associyaciyasi rasmiy saytiga bo'lajak rejalar, maqsadlar haqida qisqacha intervyu berdi.
“Jamoa bilan 15 mart kuni yig'ilgan bo'lsak, 16 martdan davlatimiz tomonidan karantin elon qilindi. Ikki yarim oy davomida bollar uyda mashg'ulotlarni olib borishdi. Endi karantindan keyin hammasini boshidan boshlamoqdamiz. Avvalgi rejalarimiz buzilganidan so'ng yangi rejalar tuzishga majbur bo'ldik. Rejamiz bo'yicha Ozarbayjonda va avgust oyida Xorvatiyada o'rtoqlik uchrashuvlari o'tkazishimiz kerak. Ammo, bularning barchasi so'roq ostida turibdi. CHunki, hali aviaqatnovlar qachon tiklanishi nomalum. SHuningdek, biz boradigan mamlakatda vaziyat qanday ekanligini ham bilishimiz kerak. SHunisi aniqki, rejalarimizda xalqaro o'yinlarda ishtirok etish belgilangan. Qolganini vaqt va sharoit ko'rsatadi.
Mashg'ulotlarda urg'uni ko'proq to'p bilan ishlash va o'yinni o'z nazoratimizga olish ustida ishlaymiz. Rasmiy uchrashuvlarda ham hujumkor futbol ko'rsatishga harakat qilamiz. Oldimizda turgan minimal vazifa Osiyo chempionati orqali Jahon chempionatiga yo'llanmani qo'lga kiritish. Mundialda Evropa, Amerika qitalaridan vakillar qatnashadi. Bu shogirdlarimiz uchun katta tajriba maktabi vazifasini bajaradi”,- deydi Olim SHokirov.
Bosh sahifaga
130
