O'yin haqida fikrlaringiz…
O'yin kutilganidek qiyin kechdi. Ko'p narsani aytib o'tsa bo'ladi. CHempionat restartidagi birinchi o'yinimizni o'tkazdik va juda yomon boshladik. Yigitlar yaxshi shug'ullanishgandi, bunday sekin va yomon o'ynashimizni kutmagandik. “So'g'diyona” sekin o'ynashimizga yordam berib yubordi, juda ko'p to'xtalishlar bo'ldi. Ammo biz tezroq o'ynashimiz, yanada shijoatli harakat qilishimiz va ko'proq energiya sarflashimiz kerak edi. Afsuski, bunday bo'lmadi va yutqazdik.
“So'g'diyona” va Ulug'bek Baqoev haqida fikringiz…
Tabriklayman.
Karantin davridagi tanaffusdan keyin bo'lib o'tgan bugungi o'yinda “So'g'diyona” tajribaliroq ko'rindimi yoki “Paxtakor” bo'shashib o'ynadimi?
Agar vaziyatga real qarasak, karantindan keyin barcha jamoalarga qiyin bo'lishi aniq. Yana 5-6 turdan keyin kim nima bilan shug'ullangani malum bo'ladi, chunki bu psixologik tomondan ham oson emas. Hozir futbol haqida ko'p narsani gapirish qiyin.
O'yin taqdirini kim yoki nima hal qildi?
Menimcha, har ikkisi.
Birinchi bo'limda faol harakat qilgan “Paxtakor” ikkinchi bo'limda bunday ko'rinmadi?
"Paxtakor" ikkala bo'limda ham sekin o'ynadi. Biz yanada faol o'ynay olamiz.
Hakamlarga etirozingiz bormi?
Uchta vaziyatni ko'rgach, nimadir deyishim mumkin.
Bosh sahifaga
1210