Maradona Safarov: "Mashal-2" bilan qiziqarli bahs bo'ladi"

Avval xabar berib o'tganimizdek bu o'yinda ikki "Mashal" to'qnash keladi. Bu bahs oldidan "Mashal" hujumchisi Maradona Safarov o'yin haqida fikrlarini bildirib o'tdi.

"Quraga hech narsa deb bo'lmaydi. Tasodif tufayli birinchi ligadagi "Mashal-2" jamoamizga to'qnash kelganmiz. Ular 1/16 bosqichga chiqishnni uddaladi. "Mashal" uchun "Nasaf-2" ham tog'ri to'qnash kelishi mumkin edi. Bu to'qnashuv faqatgina tasodif bo'lgan. Endi Muborakda ajoyib uchrashuv bo'ladi. Bu shunchaki o'rtoqlik bahsi emas rasmiy o'yin bo'ladi. Maydonga kimlar tushishini murabbiy hal etadi. Hozir aynan qanday tarkib tushishi haqida hech kim bilmaydi. Kim maydonga tushsa ham professionallarcha harakat qiladi. Muxlislar ham qiziqarli o'yin ko'radi. Natija har ikki jamoa uchun muhim. "Mashal-2" haqida deyarli juda yaxshi malumotga egamiz. Mikola Lapa bu yil bosh murabbiylik qilmoqda va o'yin uslubini o'zgartirishga harakat qilsa kerak.

"Mashal" baribir birinchi liga jamoasidan ustun. SHunga qaramay "Mashal-2" ham osonlikcha taslim bo'lmaydi deb o'ylayman. Ularda ushbu bahsga jiddiy yondoshadi. SHijoat ularda nisbatan ko'proq deyishim mumkin. Boisi ular maydonda uzini o'yinini isbotlash uchun kurashadi", - deydi Maradona Safarov.