"Buxoro" jamoasi bugun malum sabablarga ko'ra "Andijon"ni Muborakdagi "Bahrom Vafoev" stadionida qabul qildi. Qiziqarli kechgan uchrashuvda so'ngi daqiqalarda urilgan gol buxoroliklarga bir ochko olib keldi. Bellashuvdan so'ng esa zahiradan maydonga tushgan futbolchi Zohir Pirimov fikrlari bilan o'rtoqlashdi.
"Qo'limizdan kelgancha qisqa fursat mobaynida "Andijon" bilan o'yinga hozirlik ko'rdik. Jamoadoshlarim ilk daqiqalardan yomon harakat qilishmadi. Murabbiyimiz aytganidek keraksiz penalti barchasini o'zgartirib yubordi. Natijada hujumga o'tdik va o'yinimizni o'zgartirdik. Lekin, yana penaltidan gol o'tkazib yubordik. Hech bo'lmasa bir ochko ishladik. Mag'lubiyatga uchramadik.
Jismoniy tomondan rosti qiynaldik. CHunki, hali etarli darajada tiklanishga ulgurmaganmiz. Keyingi turga qadar tezroq formaga kirib olishga harakat qilamiz. Oxirgacha kurashdik. Futbol hakam hushtagi chalingunigacha o'ynaladi. Umumiy qilib aytganda harakter ko'rsata oldik. Bu bizning kayfiyatimizga ijobiy tasir qiladi degan umiddaman",- deydi Zohir Pirimov.
Bosh sahifaga
114