Kecha SHota Arveladze boshchiligidagi "Paxtakor" Jizzaxda "Sug'diyona"ga engilgan bo'lsa, bugun Bekobodning "Metallurg" jamoasi "Lokomotiv"ni yirik 3:0 hisobida taslim qildi. Uchrashuvdan so'ng ikkinchi gol muallifi SHahzod Ubaydullaev fikrlarini bildirib o'tdi.
"Birinchi bo'limda vaziyatlar yaratgan bo'lsakda to'p kiritish nasib qilmadi. O'yinni ko'rgan bo'lsangiz ikkinchi bo'limda harakatlarimiz qovushdi va ishonch yuqori bo'ldi. Bollar harakter ko'rsatishdi. Karantindan so'ng "Lokomotiv" ham boshqa jamoalar qatori qiynalgani bilindi. Menimcha, kimda jismoniy holat yaxshi bo'lsa o'sha jamoa g'alaba qozonmoqda. CHempionatning etakchi klublarini mag'lubiyatga uchratganimizdan so'ng hissiyotlar ham boshqacha bo'ladi. O'z kuchingizga bo'lgan ishonch ortadi. G'alabada barcha birdek mehnat qildi. Doniyor Narzullaev bugun katta hajmdagi ishni bajardi. Nimalarga qodirligini ko'rsata oldi",- deydi SHahzod Ubaydullaev.
Bosh sahifaga
1443