Biroz avval tur ramziy terma jamoasini elon qilgan edik. Endi esa ketma-ketlikda tur laureatlarini berib boramiz.
Foto Superliga. To'rtinchi tur ramziy terma jamoasi
Ortda qolgan 4-turning eng yaxshi darvozaboni deb "Metallurg" azosi Aleksandr Lobanovni topdik. Bekobodliklar Toshkentda "Lokomotiv" mehmoni bo'lishdi va kutilmaganda safardan yirik g'alaba bilan qaytishdi. Uchrashuv davomida Lobanov kamida 3 bor jamoasini goldan qutqarib qoldi. 1-bo'limda Temurxo'ja Abduxoliqovning jarimadan tepgan to'pini qaytargandi, 54-daqiqada esa turning eng yaxshi seyvini ijro etdi. O'sha vaziyatda Davron Umirov ikkinchi tempda to'pni kuchli zarb bilan "Metallurg" darvozasi tomon tepdi. Aleksandr to'p ketayotgan yo'nalish tarafga otilishni boshlagan bir lahzada Pogrebnyak uni qarama-qarshi tomonga burib yubordi. Juda ham noqulay holatda qolganiga qaramay Lobanov tez reakciya ko'rsatdi va to'pni urib yubordi. Agar o'sha holatda u to'pni qaytara olmaganda o'yin umuman boshqacha tus olib ketishi ham mumkin edi. Bundan tashqari, 77-daqiqada Abduxoliqov birga-bir vaziyatga chiqib ketayotganda ham to'pni qaytarib yubordi.
SHu tariqa, bu turda jamoasi g'alabasiga katta hissa qo'shgan va turning eng murakkab seyvini ijro etgan Aleksandr Lobanov 4-turning eng yaxshi darvozaboni deb topildi. Eslatib o'tamiz, u ortda qolgan 4 turda ikkinchi bor "Championat.asia"ning tur ramziy terma jamoasiga ham kiritildi.
Video «Tezkor studiya»: Kun o'yinlari tahlili, tur sensaciyasi hamda o'zbek futbolidagi muammoli tendenciya haqida Beg'amov va Koshelev fikrlari
Bosh sahifaga
1803