Bir necha kun oldin 36 yoshga to'lgan kamerunlik himoyachi Anri Bedimo Instagram sahifasi orqali faoliyatiga nuqta qo'yganligini elon qildi. Bedimo 2018 yildan beri klubsiz qolayotgan edi.
“Men professional futbolchilik faoliyatim bilan bog'liq bo'limni yopmoqdaman. Yo'limda uchragan murabbiylar, klub xodimlari, volontyorlar va muxlislarga minnatdorchilik bildirmay keta olmayman. Sizlarsiz bu darajaga chiqa olmasdim. O'z vatanim sharafini himoya qilganimdan faxrlanaman. Hammaga rahmat”, — deya yozadi Bedimo.
Bedimo 2002 yildan 2018 yilga qadar Franciyaning “Grenobl”, “Tuluza”, “SHatoru”, “Lans”, “Monpele”, “Lion” va “Marsel” klublarida faoliyat olib borgan. U faoliyati mobaynida 395 ta o'yinda qatnashib, 7 ta gol urgan va 29 ta golli uzatma bergan. 2012 yil “Monpele” safida Liga 1 chempioni bo'lgan.
Bosh sahifaga
1842