Etibor berganmisiz yoki yo'q, eslatib o'tamiz: 2018 yildan buyon "Arsenal" futbolchilari engida "Visit Rwanda" yozuvi tushirilgan — ushbu "reklama" uchun afrikaliklar "kanonir"larga yiliga 10 million funt to'lashadi. Afrika davlatiga yana boshqa qiziqarli bonuslar ham vada qilingan: misol uchun jamoa futbolchilarining Ruandaga tashrifi va klub murabbiylarining ushbu mamlakatda tashkil etiladigan yozgi futbol oromgohlarida o'ziga xos master-klasslar bilan ishtirok etishi.
Lekin barchasi yanada chuqurlashib ketmoqda: shu kunlarda "Arsenal" Ruandada tavallud topgan 19-yoshli norvegiyalik futbolchi Jorj Lyuisni xarid qildi (https://metro.co.uk/2020/05/29/arsenal-complete-signing-george-lewis-12777055/).
A sotib olsa, olibdida deyish mumkin, lekin 19 yoshga to'lgan "vunderkind" Transfermarkt malumotiga (https://www.transfermarkt.com/george-lewis/profil/spieler/589590) ishonadigan bo'lsak, katta futbolda bor yo'g'i 5 ta o'yin o'tkazgan, ular ham oliy ligalarda emas, ikkinchi va uchinichi divizionlarda.
Qiziqarli faktlar davom etadi. O'zining sobiq jamoasi — "Fram Larvik"da Lyuis umumiy hisobda 4 (!) daqiqa o'ynagan va bu Norvegiyaning uchinchi darajali ligasida.
Boshqa bir jamoasi — "Tromsdalen" tarkibida 3 uchrashuv har bir o'yinda bir daqiqadan va bu ikkinchi ligada! Qaxramonimiz umirida 7 daqiqa futbol o'ynagan va etibor bering, Londonning "Arsenal"iga o'tdi.
"Arsenal"ga, bu erda Sesk Fabregas 18 yoshida "Real"ga qarshi uchrashuvda, Ispaniyada nimalar qilib tashlamagandi (https://twitter.com/ArsenaIComps/status/1260973316417994752). "Arsenal"ga bu mavsum asosiy tarkibning eng yorqin futbolchilaridan biri 18 yoshli Bukayo Saka bo'lgan jamoaga keldi.
Aytishlaricha, Lyuis avvaliga U-23 jamoasida harakat qiladi. Biroq unda uni sotib olib nima qilishardi?
Vingerlar bilan Arteta jamoasida muammo yo'q — Lyuis esa aynan vinger. Bu borada tanlov shu qadarki, klub tarixidagi eng qimmat transfer Nikolya Pepe ham bir necha bor zaxira o'rindig'ida qolib ketdi.
Umuman olganda, bazi davlatlarda transfer orqali yashirin pul oldi-berdisini ham amalga oshirishlari haqida eshitganmiz. Evropada ham shuni zamonaviyroq usulini topishgan ko'rinadi. Siz bizga yaxshigina pul to'lab tursangiz, futbolkamizda yozuvingiz ham bo'ladi, futbolchi sifatida foydasi tegmasa ham birorta ruandalikni sotib olamiz.
Adashayotgan bo'lsak, xursand bo'lardik. Lekin bunday futbolchidan Sesk Fabregas chiqishi mushkul vazifa.
Nozima Zaripova tarjimasi
Bosh sahifaga
1285