Live  APL. "Siti" - "Arsenal": birinchi bo'lim yakunida hisob ochildi (matnli translyaciya)

Bugungi uchrashuvni onlayn tarzda tomosha qilayotgan muxlislar

Birinchi bo'lim YAKUNLANDI

45+2. Gooooooooollll! David Luisning qo'pol xatosidan keyin to'p Sterlingga kelib tushdi. Angliya terma jamoasi azosi kuchli zarba bilan to'pni darvozaga "mixlab qo'ydi"!

O'yinning birinchi bo'limiga 3 daqiqa qo'shib berildi.

42. Ederson yana bir bor xato uzatmani amalga oshirdi. Odatda, Gvardiola jamoasi darvozabonlari kamdan-kam hollarda bunday xatolarga yo'l qo'yishadi.

40. O'yin tizgini mutloq mezbonlar qo'liga o'tib ketdi desak, mubolag'a bo'lmaydi.

39. "Siti"dan yana bir xavfli hujum. Sterling to'pni Lenoning ustidan darvozaga tashlab qo'ymoqchi edi, ammo ijro xato bo'ldi.

37. Ajoyiyu hujum! Silva - De Bryuyne - Marez kombinaciyasini yana Leno bartaraf qildi. Hozircha o'yindagi eng yaxshi futbolchi aynan mehmonlar kiperi bo'lib turibdi.

35. Uxxx! "Siti"dan yana bir xavfli hujum. Jezus tomonidan berilan kuchli zarbani Bernd Leno qiyinchilik bilan qaytarib yubordi.

34. Nihoayat, o'yindagi ilk xavfli vaziyat! Sterlingning kuchli zarbasini Leno bartaraf etdi. Burchak zarbasi.

33. Ushbu daqiqaga kelib, to'plar nisbati 59-41 (Gvardiola shogirdlarining foydasiga).

27. Nketia o'ng qanotdan to'pni jarima maydoniga oshirdi. To'pni egallab olgan Ederson tezkorlik bilan o'yinga kiritib berdi, noaniq. Obameyang 35 metrdan darhol zarba berdi, ammo zarbaga yana aniqlik etishmadi.

Darvoqe, bugun futbolchilarning libosida ularning ismlari emas, irqchilikni qoralovchi bitiklar yozilgan: "Black Lives Matter"

23. Navbatdagi o'zgarish. Yana "Arsenal"da. Mari o'rniga braziliyalik David Luiz maydonga tushirildi.

22. Zahira o'rindig'idagi David Luiz maydonga tushish uchun tayyorganrlikni boshlab yubordi.

O'yin "Arsenal" uchun jiddiy yo'qotishlar boshlandi. Pablo Mari ham maydonga quladi. Ushbu himoyachi ham o'yinni davom ettirolmaydi shekilli.

20. Maydon markazida to'pni egallab olgan Uoker raqib jarima maydoni tomon reyd uyushtirdi. Darvozaga yaqinlashgach, jamoadoshlarini to'p bilan taminlamoqchi edi, ammo...

18. Jamoalar kuchli pressing qilishmayapti. Ehtimol, futbolchilarning jismoniy holatini inobatga olgan murabbiylar shunday ko'rsatma berishgan

15. "Siti" futbolchilari burchak zarbasiga ega bo'ldi. Vaziyat keskinlashishi mumkin.

12. O'yin jo'shqin tarzda davom etmoqda. Sterling jarima maydonchasi ichiga bostirib kirib, sheriklarini to'p bilan taminlamoqchi edi. Ammo himoyachilarga yordamga etib kelgan Genduzi hujumni bartaraf qildi.

9. Gvardiola shogirdlari hujumga hujum bilan javob berishga urinib ko'rdi. Jezusdan muvaffaqiyatsiz harakat.

Sebalos o'yinga darhol kirishib ketdi! Ispaniyalik futbolchi jarima maydonchasi ichidagi sheriklarini to'p bilan taminlagandi, ammo Nketia vaziyatdan foydalana bilmadi.

8. O'yindagi ilk o'zgarish ham o'zini uzoq kuttirmadi. Jarohatga yo'liqqan Jaka o'rniga Dani Sebalos o'yinni davom ettiradi.

4. Afsus! Uzoq davom etgan karantin o'z tasirini namoyon qila boshladi. "Arsenal" etakchilaridan biri Granit Jaka jarohat olganga o'xshaydi.

Teglar: live , siti, arsenal, birinchi, bolim, yakunida, hisob, ochildi, matnli, translyaciya,
← OldingaOrqaga →