"Buxoro" bilan kechgan uchrashuv va oldinda kutayotgan bekobodliklar bilan bahs haqida "burgutlar"ning tajribali futbolchisi Jamshid Hasanov fikrlari bilan o'rtoqlashdi.
"O'tgan uchrashuv haqida oddiy fikr bildirishim mumkin. O'zimiz yaratgan vaziyatlardan foydalana olmadik. Futbolda sen urmasang, senga urishadi degan bejiz aytilmaydi. Ha, "Andijon"da 11 metrlik nuqtadan zarbalarni o'zim yo'llayapman. SHtatli penaltichi sifatida qachon tayinlandim? Qo'qonda bunday imkoniyat bo'lmagan. CHunki, u erda penaltilar qiroli bor. "Mashal"da to'p tepib yurgan paytlarimda penaltilarni ko'proq man tepardim. Bunday vaziyatda siz darvozabon bilan birga-bir holatda qolasiz. Ustunlik ko'proq zarba berayotgan futbolchida bo'ladi. "Metallurg" bilan o'yinda vaziyatlardan foydalana olmasak o'zimizga qiyin bo'ladi. Boshqa tomondan o'z maydonimizda harakat qilish bizga qo'shimcha ustunlik beradi deb o'ylayman. Afsuski, karantin tufayli uchrashuv muxlislarsiz o'tkaziladi. Lekin, hozircha shunga majburmiz",- deydi Jamshid Hasanov.
Eslatib o'tamiz mahoratli yarim himoyachi ortda qolgan 4 turda raqiblar darvozasini 3 marotaba penaltidan aniq nishonga oldi.
Jamshid Hasanov "Qo'qon-1912" libosida "Andijon"ga qarshi.
Bosh sahifaga
464