SHu kuni Pro-liganing yana bir vakili Jahongir Jiyamurodov boshchiligidagi «Zomin» jamoasi «Dinamo» klubi mehmoni bo'ldi.
Uchrashuv o'rtoqlik o'yini maqomida bo'lsa-da, o'yin qiziqarli va jangovar ruhda o'tdi.
17-daqiqada «Dinamo» yarimhimoyachisi SHohrux Abdurahmonov yakkama-yakka vaziyatda chiqib, chiroyli zarba bilan hisobni ochdi – 1:0.
32-daqiqada esa bir daqiqa oldin zaxiradan maydonga tushgan Jonibek Ko'chimov ham darvozabon bilan yakkama-yakka holatda qolib, vaziyatni tenglashtirdi – 1:1.
55-daqiqada esa mehmonlar standart vaziyatdan keyin SHohjahon Abbosovning goli evaziga hisobda oldinga chiqib olishdi – 1:2.
75-daqiqa esa qanotdan uzatilgan to'pni himoyachi Jasur O'rinov raqib darvozasiga joylab qo'ydi – 2:2
O'yin yakuniga qadar hujumkorlikni tushirmagan «dinamochilar» 90-daqiqada o'z niyatlariga etishishdi. Jamoa sardori Jasur Azimov tomonidan jarima maydoni tashqarisidan yo'llangan kuchli zarba raqib chiroyli tarzda raqib darvozasining «to'qqizligi»dan o'rin oldi – 3:2.
18 iyun (payshanba)
O'rtoqlik uchrashuvi.
Samarqand, «Dinamo» stadioni.
«DINAMO» - «ZOMIN» - 3:2
Bosh hakam: SHerzod Kamarov
Gollar: SHohrux Abdurahmonov 17, Jasur O'rinov 75, Jasur Azimov 90 – Jonibek Ko'chimov 32, SHohjahon Abbosov 55.
Malumot uchun, «Dinamo» jamoasi O'zbekiston kubogi saralash bosqichi doirasida 23 iyun kuni Farg'onada «Istiqlol» jamoasiga qarshi maydonga tushadi.
Bosh sahifaga
213