O'yin davomida bir qator vaziyatlarni ko'kka sovurgan “qaldirg'ochlar” o'z tarixlaridagi eng yirik mag'lubiyatni qabul qilib oldi. Albatta, bu jamoadagi ayrim yosh futbolchilarga og'ir ruhiy zarba bo'lishi turgan gap. Yaqin orada “Bunyodkor” bu qadar xunuk tarzda imkoniyatni boy bermagan edi. Bellashuvdan so'ng jamoaning tajribali futbolchisi Anvar G'ofurov fikrlari bilan o'rtoqlashdi.
“Bugungi o'yinda “Paxtakor” tezkor gol va vaziyatlardan samara chiqarish hisobiga shunday tarzda g'alaba qozondi. Lekin, hisob adolatli bo'ldi deya olmayman. CHunki, hisobda ortda qolayotgan paytimizda ham gol urish uchun vaziyatlar yuzaga kelgandi. Qisqasi ushbu o'yindagi xatolarimizdan to'g'ri xulosa chiqarib navbatdagi bahsga yanada yaxshiroq tayyorgarlik ko'ramiz. Qo'lni tushirish va taslim bo'lish yo'q. Bu – futbol. Endigina beshinchi turni o'tkazdik. SHu bois oldindagi uchrashuvlarda g'alaba qozonishga harakat qilamiz. Hammasi oldinda. Men jamoamizga va futbolchilarga ishonaman.
Yangi kelgan futbolchilar hali kirishib ketgani yo'q? Bilmadim, sizga shunday tuyulayotgan bo'lsa kerak. Murabbiylar tomonidan CHeranni alohida qo'riqlash haqida ko'rsatma berilgani yo'q. “Paxtakor” Jizzaxdagi mag'lubiyatdan so'ng biz bilan o'yinga yaxshi tayyorgarlik ko'rgani bilinib turdi. Nasib qilsa keyingi o'yinlarda muxlislarimizni xursand qilishga intilamiz”,-deydi Anvar G'ofurov.
Bosh sahifaga
198
