Evropada kuchlar tenglashmoqda, yana 3ta debyutantni ko'ramizmi?

Guruhda Gollandiya, Turkiya va CHexiya terma jamoalariga qarshi kechgan o'yinlarda ochko yo'qotmagan islandlar, qo'xna qita chempionatida ishtirok etadigan 32 jamoa bo'ldi.

SHu kungacha Evroda 31ta terma jamoa qatnashgan. Eng ko'pi Germaniya, 11 marotaba. Undan keyin Ispaniya va Gollandiya terma jamoalari. Ularning hisoblarida 9tadan chempionat bor. Katta ehtimol bilan bu yil Ispaniya Gollandiyadan bitta musobaqaga o'zib ketadi. 

2012 yil Ukraina o'z mamlakatida bo'lib o'tgan turnirda debyut qilgan edi. Saralash o'yinlarida muxlislar hech qanday sensaciya ko'rmagan edilar. Eng ko'p debyutantni 1996 yil Angliyada bo'lib o'tgan musobaqada ko'rganmiz. O'shanda CHexiya, Turkiya, Rossiya, Xorvatiya, SHveycariya va Bolgariya terma jamoalari chempionatda debyut qilgan edilar. 1992 yil MDH terma jamoasi qatnashgan. Sobiq Ittifoq terma jamoasi hisobida esa 5ta turnir mavjud. SI va MDH qayd etgan natijalarga ham Rossiya egalik huquqini qo'lga kiritganligini inobatga olsak, ularning yig'indisi ham to'qqiztaga teng bo'ladi.

Islandiyadan tashqari Uels, SHimoliy Irlandiya va Slovakiya terma jamoalari ham Franciyada bo'lib o'tadigan musobaqada debyutant sifatida ishtirok etishga yaqin turibdilar.

Kecha Uels o'z maydonida Isroil terma jamoasi bilan durang natijani qayd etdi. Agar ular g'alaba qozonganlarida muddatidan avval Evro eshiklarini ochar edilar. Saralash o'yinlari tugashiga ikki tur qolganida Kris Kolman shogirdlari Isroildan 5 ochkoga ilgarilab ketishgan. Bosniya va Gercegovina (4) va Andorra (6) bilan bo'lib o'tadigan o'yinlardan birontasida g'alaba qozonsalar bo'lgani.

Slovakiyaning taqdiri ertaga hal bo'ladi. Agar terma jamoa Ukrainadagi natijasini (0:1) o'z maydonida ham takrorlay olsa "S" guruhida Ispaniya bilan birga Franciyaga boradilar. 

Huddi shunday holatni SHimoliy Irlandiyada ko'rib turibmiz. Bugun irlandlar o'z maydonlarida Vengriya terma jamoasiga qarshi maydonga chiqadilar. Budapeshtda bo'lib o'tgan uchrashuvda mezbonlar 2:1 hisobida imkoniyatni boy bergan edilar. Bugun Mayk O'Nil shogirdlari g'alaba qozonadigan bo'lsalar qolgan ikkita o'yinni rasmiyatchilik uchun o'ynab qo'yadilar. 

"Hozir hamma futbol o'ynashni o'rganib oldi". Bu atama na bizning oliy ligamizga, na qitamizga tegishli emas. Futbolni Evropa va Janubiy Amerikada haqiqatdan ham o'ynashni o'rganib olishdi va u erda kuchlar teng bo'lib boryapti. Bizda esa bu baxona.

Nodirxo'ja Yuldashev