Olmaliq shahrida o'tkazilgan "Surxon"ga qarshi uchrashuvda AGMK futbolchilari tartibli harakat qilgan holda o'zi yaratgan vaziyatlarning bittasidan unumli foydalandi. Aniqrog'i, turkmanistonlik Arslanmirad Amonovning so'ngi daqiqalarda jarima zarbasidan kiritgan to'pi o'yin masalasini hal qildi. Bellashuvdan so'ng mezbonlarning tajribali himoyachisi Bobur Yo'ldoshev qisqacha fikrlarini bildirdi.
"Karantindan keyingi ikkinchi uchrashuvimizni o'tkazdik. "Surxon" bilan o'yin oson bo'lmasligini bilardik. Boisi, raqibimiz o'ziga hos xarakterga ega va irodali jamoa hisoblanardi. Ular avvalgi turda hisobda ortda borayotib durang natijani qayd etishgandi. Raqib futbolchilari himoyada zich harakat qilishdi va bizning hujumchilarga imkon berishmadi. SHunday bo'lsada oxirgi daqiqalarda gol urib maqsadimizga erisha oldik. O'yindan o'yinga jismoniy holatimiz yaxshilanib boradi. Bunga shubha yo'q. Bundan buyon qolgan turlarda ham tomoshabinbop futbol ko'rsatishga harakat qilamiz",- deydi Bobur Yo'ldoshev.
Bosh sahifaga
253