55 yoshli murabbiyi futbolchi bilan “Inter” va “Manchester Siti” jamoalarida birga ishlashgan.
“U qanday ishlarni qilishidan qatiy nazar men uning uchun qayg'uraman. U hali yosh bolakay vaqtidayoq Marioni shug'ullantirganman. Balotelli 30 ga qadam qo'ydi va umid qilamanki barcha salbiy jihatlarida qutulib, o'zining iqtidorini bor bo'y basti bilan namoyish eta oladi.
Umid qilamanki, u vaqti kelib hammasini tushunadi va “uyqu”dan uyg'onadi. Mario noodatiy futbolchi, mehribon va g'amxo'r. Men unga bir necha bor tabiat bergan iqtidorini namoyish etishi kerakligini tushuntirganman, chunki unda haqiqatan ham futbolchi uchun kerakli ko'plab hislatlar bor”, deya murabbiyning so'zlaridan iqtibos keltirmoqda Football Italia.
Ilgariroq Balotelli uning ayni paytdagi klubi “Breshia” futbolchiga xat jo'natib, amaldagi shartnomani bir tomonlama bekor qilganligi haqida xabar bergan. Bunga Marioning jismoniy testlardan o'tishni istamaganligi sabab sifatida ko'rsatilgan. Marioning o'zi esa mashg'ulotlarga kasalligi bois ishtirok etmaganligini aytib, bu haqdagi shifokor malumotnomasini klub ofisiga jo'natgan.
Italiyalik futbolchi 2019 yildan buyon “Breshia” safida harakat qilib kelmoqda. U joriy mavsumda A seriyada 19 ta uchrashuvda maydonga tushib, 5 ta gol urishga erishgan.
Bosh sahifaga
910