SHundan buyon Coca Cola Superligasi bahslari ko'tarinki kayfiyatda o'tkazilmoqda (4 va 5-tur). Ammo unutmaslik kerakki, hayotimiz faqat ijobiy voqeliklardan iborat emas. Unda salbiy hodisalar, hattoki, fojialar ham uchrab turishi tabiiy. Hozircha butun dunyoda hukm surayotgan pandemiyaning oxiri mavhum bo'lib qolyapti. Bir narsa aniq: hech kimning infekciya bilan zararlanmasligi, virus tashuvchi vazifasini o'tamasligi kafolatlanmagan. Bizni xavotirga solayotgan jihat shuki, iyun oyi oxirlaganda futbolchilar orasida ham infekciyaga yo'liqqanlar paydo bo'lishi mumkin. SHu kabi holat yuz berib qolsa, musobaqaning keyingi taqdiri nima bo'ladi? Kimlar karantinga olinadi? CHempionat o'yinlari davom ettiriladimi?
SHu kabi savollarga javob izlab ko'rdik. Ammo karantin davrida yuzaga kelgan pauza mobaynida deyarli 2 oy (28.03 - 27.05) "uxlagan" PFL rasmiy saytida yuqorida tilga olingan savollarning hech biriga oydinlik kiritilmagan. Bu keyinchalik bazi tushunmovchiliklarga sabab bo'lishi mumkin. SHu tufayli ko'riladigan choralar barchaga oldindan malum qilinishi kerak edi. Umuman olganda, masullar shu kabi holatlarga tayyormi yoki faqat yaxshi niyat vositasida kurashish maqsad qilinganmi?
Bu savollar yuzaga kelishiga Rossiya chempionatida so'nggi kunlarda ro'y berayotgan voqealar sababchidir. "Rostov" atrofida ro'y bergan hodisalar fonida Rossiya Futbol Ittifoqining tayyor emasligi, oldindan ishlangan rejalari yo'qligi malum bo'lib qoldi. Oqibatda RPLning xalqaro obro'si malum darajada pasaydi. Kecha "Ufa" va "Dinamo" (Moskva)da ham infekciya bilan zararlanganlar aniqlandi. RFI mazkur jamoalardan ham bo'lajak o'yinlarga 2-tarkib, o'rinbosarlar jamoasini yuborishni so'rayotgani haqida malumotlar tarqalishga ulgurdi. Bu qanchalik professinallik hisoblanadi, ularning o'ziga havola.
Bizda ham hozircha bu kabi sharmandagarchiliklarning oldi olingani yo'q. Tasavvur qiling, chempionat etakchilaridan birining ochko suv va havodek zarur so'nggi pog'onadagi jamoa bilan o'yini bor. Etakchi klub safida infekciyaga chalinish holati uchradi. SHu vaziyatda autsayder jamoa "Sochi" vazifasini bajarmasligi kafolatlanganmi? Yo'q, barchasi mavhum.
SHunday ekan, masullar virusning futbolimizga berishi mumkin bo'lgan ehtimoliy zarbasiga tayyorgarlik, keyingi rejalar to'g'risida malum qilishsa, faqat o'zlarining foydalariga ishlaydi.
Xabaringiz bor, MDH azolari hayotning barcha jabhalari, yutuq va kamchiliklarigacha bir-biriga juda va juda o'xshash. Ular orasidagi eng qudratli davlat futbolida yuzaga kelayotgan xunuk holatlar yuqoridagi savollarni kundalik muhokama mavzusiga aylantirish uchun etarli bo'lsa kerak.
Faxriddin Ro'ziev
Bosh sahifaga
1173