«Lokomotiv» 2011-13 yillardagi «Paxtakor», 2018-19 yillardagi «Bunyodkor»ni eslatyapti. Jamoada pul qolmaganida, «Paxtakor» va «Bunyodkor» majbur o'yinchilarni sotib yubordi. Hech kim ketib qolgani yo'q. CHunki ularning ko'pchiligi shu klubning haqiqiy azolari edi. «Lokomotiv» esa mana shu tizimni yaratmadi yillar davomida. Pul tortilib qolgach, tabiiyki etakchilar ketdi, o'rinbosarlardan esa o'yinchi qo'shilib kuchaytirib yubormadi. «Paxtakor» va «Bunyodkor», o'tgan yili «Nasaf» shunday holatda, o'z tarbiyalanuvchilari evaziga qiyinchilikni engib o'tdilar.
«Lokomotiv» hozir yoshlarga qaray boshladi, ammo bu bugun erta asosiy tarkibga yordam bera olmaydi. Kamida 5-6 yil o'tishi kerak. SHuning uchun «Lokomotiv»da bu yil yana avvalgidek moliya bo'lmasa, keyingi ikki yilda o'rtamiyona jamoa sifatida ko'ramiz.
«Navbahor» esa ishonchli g'alabani qo'lga kiritdi. Lekin klub bundan ham yaxshi o'ynashi mumkin, nimadir etishmayapti. Ayniqsa himoyadagi pala-partishlik katta o'yinlarda pand berishi mumkin. «Nasaf» bilan o'yin misolda buni ko'rdik, bu ko'proq murabbiyning xatosi. «So'g'diyona» aksincha, aynan himoyada aqlli o'ynayapti. Avtobus qo'yishda ham, qo'yish bor. Baqoev har bir o'yinchisini zonalarga to'g'ri taqsimlay olyapti.
«Surxon»ni maqsadini tushunib olish kerak? Maqsad agar Surxondaryoga katta futbolni qaytarish bo'lsa, mahalliy tarkib bilan ham shunday natija qilsa bo'ladi, sal ishlov berib. 12 o'rinni olding nimayu, 5ni olding nima, bari bir OCHLga yo'llanma bermasa. 3 yildan beri tarkib o'zgarishda davom etadi. «Anji» Moskvada yashab, faqat uy o'yinlari uchun Mahachqalaga borardi. «Surxon» ham Toshkentni baza qilib, Termizga o'yin uchun bordi. Nima keragi bor ortiqcha sarf xarajatni? Superligaga berilgan ishonchni, hech bo'lmasa doimiy ravishda o'rtamiyona bo'lib yurish kerak, buning uchun poydevor qo'yish kerak. Surxondaryo futbolchi tanqis yurt emas, afsonalar shahri.
«So'g'diyona» ishonchni oqlashda davom etyapti. Jasur Hasanov ikkinchi yoshligini o'tkazyapti. Hech qarimaydigan, eski sifatli o'yinchilardan, O'zbekiston chempionatida qolgan so'nggi futbolchi. Ayni paytda Faqat Jaloliddin Masharipov qanotdan u kabi sifatli pas bera oladi. Agar 26-27 yosh bo'lganida bugungi futbol agentliklari rivojlanayotgan paytda, u Qatardan ham ko'ra kuchliroq ligaga yo'l olardi.
«Buxoro»da eshitishim bo'yicha taxt uchun kurash. Bu eng yomoni. Amirlar yurtida, endigi nishon klub. Alisher akaga imkoniyatni berish kerak. Paytida natija qildi, ammo katta byudjet bilan 3-o'rinni ololmading deng bo'shatishgandi, mana yana klubga qaytdi. Ammo uni, yo'q qilishmoqchi. Bundan keyin futbolda katta pul bo'lmaydi, endi kim menedjementni tushunsagina muvaffaqiyatga erishadi.
Bugungi o'yinda esa shubhasiz «Metallurg» favorit, 3 yildan beri AGMK kabi toblandi. Har qanday klubning toblash uchun kamida 3 yil kerak, «Metallurg» va AGMK aynan o'sha maromiga chiqyapti. AGMK bu ketishda keyingi yil aniq uchlikka kiradi, balki kumush medalni oladi. «Metallurg»da esa bu yil OCHLga chiqish uchun imkoniyat katta. SHipilovni juda zo'r murabbiy demayman, ammo u tarkibni bir xilda shakllantira olishga vaqtga ega bo'ldi. Boshqa klublar ham shu narsani tushunib etsalar bo'lardi, natija talab qilishdan avval.
«Andijon»ga kuchli menedjer kerak. Buni ko'p marotaba aytib kelganman. Andijon hokim namanganlik hamkasbi kabi, etiborni poydevorga qaratsa, Andijondan yana Hamidullaev chiqadi.
Bugun «Mashal» - «Nasaf» o'yinida Ro'ziqul Berdievning imkoniyati yuqori. «Mashal» himoyaga etibor qaratsa kerak.
Bu ikki o'yin haqida ertaga to'xtalib o'taman.
Bosh sahifaga
944