Prevyu. Zomin - Andijon

Bunda Zominning “Zomin” jamoasi Jizzax shahridagi “Sug'diyona” o'yingohida Oliy liga ishtirokchisi Andijonning “Andijon” jamoasini qabul qiladi.
O'zaro jamoalar ilk bor to'qnash kelishmoqda.

“Andijon” jamoasi Oliy liga bahslarida 2 ta turni o'tkazgan bo'lsada, biroq jamoa hozirgacha ijobiy natijaga erisha olganicha yo'q. Bunga sabab, yil boshida jamoa tarkibida sezilarli ravishda o'zgarish qila olgani bo'lishi mumkin. Lekin ishonamizki, Baxtiyor Ashurmatov shogirtlari Oliy liganing so'ngi turigacha o'zlari uchun ijobiy natijaga erisha oladi.

“Zomin” jamoasi 2012 yildan buyon O'zbekiston Birinchiligi va O'zbekiston Kubogining saralash bahslarida uzluksiz ravishda ishtirok etib kelmoqda. Jamoaga yangi rahbariyat tayinlangandan so'ng, zominliklar o'z oldiga Oliy ligada ishtirok etish maqsadini qo'ygan. SHu sababli zomin bo'rilari O'zbekiston Birinchiligi bahslariga jiddiy tayyorgarlik ko'rishdi. Jamoa mavsumga tayyorgarlik ko'rishda uch marta yig'in tashkil qildi. Yig'inlar davomida birinchi liga va Oliy liga o'rinbosarlari bilan jami 10 marta o'rtoqlik uchrashuvini o'tkazishga erishdi. O'rtoqlik uchrashuvlari davomida jamoa tarkibiga etarli darajada iqtidorli yosh o'yinchilarni jalb qila oldi. O'zbekiston Birinchiligi musobaqalari aprel oyida boshlanishini inobatga olsak, zominliklar uchun bu rasmiy birinchi uchrashuvdir. SHunday ekan, jamoaning ilk uchrashuvi g'alaba bilan boshlanadi deb umid qilib qolamiz.
Ikkala jamoaga omad tilaymiz.
Imkoniyatlar: 30/30/40

O'zbekiston Kubogi 1/16 final bosqichi
19mart (shanba) 2016 yil
Zomin (Zomin) – Andijon (Andijon). “Sug'diyona” o'yingohi.
Hakamlar:Z. Qodirov (Navoiy), B. Qodirov (Buxoro), A. Qo'ldashev (Buxoro), SH. Qayumov (Jizzax).
Nazoratchi: S. Ermatov (Toshkent).

Eslatib o'tamiz, O'zbekiston Kubogi 1/16 final bosqichi doirasidagi uchrashuv soat 17-00da “Sug'diyona” o'yingohida bo'lib o'tadi.

Akmal Raxmatullaev tayyorladi.