Dilyaver Vaniev: "Suyunov va Quvvatov "Nasaf" akademiyasidan chiqmagan"

“Bugungi o'yinga yaxshi tayyorgarlik ko'rgan edik. “Nasaf” biz uchun principial raqib hisoblanadi. Ular qanotlarda havfli o'yin ko'rsatadi. Futbolchilar esa bunga imkoniyat berishmadi. Buning uchun ularga rahmat aytaman. O'yinga tayyorlagan rejamiz ish berdi. Raqib bizni qaysidir manoda ortga qaytishga majbur qildi. Kamchiliklar, xatolar bo'ldi. Lekin chiziqlar orasidagi hududlarni yopish va raqibni qanotga o'tishga majbur qilish borasidagi ko'rsatmalarimizni yigitlar yaxshi bajarishdi.

Bugun darvozabonimiz yaxshi o'yin namoyish qildi. Kichik xatolar bo'lib turdi. Lekin, unga katta etiroz yo'q. U “Mashal” akademiyasidan chiqqan. Bilsangiz, televizorda va boshqa OAVda Eldor Suyunov, Sanjar Quvvatovni “Nasaf”dan chiqqan deyishadi. Aslida ular ham klubimiz tarbiyalananuvchilari hisoblanadi. Jamoamiz ko'plab posbonlarni etishtirib bergan. Hozirda “Lokomotiv”da to'p tepayotgan Javohir Ilyosov ham bunga bir misol.

“Nasaf” akademiyasi ham zo'r. Bu klubda ishlar to'g'ri yo'lga qo'yilgan. SHu bois “Paxtakor” ushbu jamoadan ko'plab futbolchilarni oladi.

Bir ochkodan qoniqish xosil qildimmi? Keling, ochiqchasini aytay, natija qaysidir manoda meni qanoatlantirdi”,- deydi Dilyaver Vaniev.