Jizzaxning "Zomin" jamoasini ishonchli 2:0 hisobida mag'lubitga uchratgan "Oq-tepa" keyingi bosqichga chiqdi. Uchrashuvdan so'ng mezbonlarning tajribali futbolchisi Sunnatilla Mamadalievning fikrlari bilan qiziqdik.
"Ko'rganingizdek o'yin oson bo'lmadi. To'pni nazorat qildik. Lekin, birinchi bo'limda oldinga o'tishda shoshib qaror chiqardik va vaziyatlarni golga aylantira olmadik. Har qanday turnirning birinchi o'yini qiyin kechadi. Buni oldindan bilgandik. Ikkinchi bo'limda yanada aniqroq harakat qildik va ikkita gol urdik. "Zomin" jamoasi ham yaxshi shakllangan ekan. Tarkibida yoshlar bo'lishiga qaramasdan munosib to'p tepishdi. Murabbiy Jahongir Jiyamurodov ham o'z vaqtida yaxshi saviyadagi futbolchi bo'lgan. "Nasaf", "Neftchi", AGMK jamoalarida to'p tepganligini barcha bilsa kerak. Keyingi o'yinlarda bundan ham chiroyli futbol ko'rsatishga harakat qilamiz. Issiq havo ham bahsni borishiga va futbolchilarni erkin o'ynashiga tasir qildi deb o'ylayman. O'zbekiston kubogidagi maqsadimiz yanada uzoqroqqa borish va Superliga jamoalariga qarshi munosib to'p tepish",- deydi Sunnatilla Mamadaliev.
Bosh sahifaga
367