Malumki, bugundan Eron chempionatiga restart beriladi. SHu bois Skochich terma jamoaga nomzod futbolchilarni kuzatib boradi. Xorvatiyalik murabbiy "Football Bartar" teleko'rsatuvi mehmoni bo'lib, bir qator savollarga javob berdi. "Mamlakat chempionati qayta tiklanishidan xabar topib yana Tehronga keldim, - dedi Dragan Skochich. - Futbol bo'lgani yaxshi baribir. Buni eshitib juda xursand bo'ldim. SHu orqali terma jamoaga nomzod futbolchilar shakllanib boradi. JCH saralashdagi biz tushgan vaziyat oddiy emas. Guruh peshqadami Iroqdan 5 ochko ortda qolyapmiz. Keyingi bosqichga o'tish uchun qolgan to'rtta o'yinning hammasini yutishimizga to'g'ri keladi".
Dragan Skochich terma jamoaga bosh murabbiy bo'lganidan beri ko'p tanqidlarni eshitib kelyapti.
"Bir necha bor kasalxonada davolanib ham chiqdim, - deydi xorvatiyalik murabbiy. - Eronda bosim kuchli va buni har doim his qilib turishga to'g'ri keladi. Ammo hozir o'zimni ancha yaxshi his qilyapman. Buyog'iga faqat jahon chempionati saralash o'yinlari haqida bosh qotiramiz. Terma jamoaga kim yaxshi tayyorgarlikka ega bo'lsa, shularni taklif etamiz. Oldin ham aytganman, eshik hammaga ochiq. O'zingizni ko'rsating va bosh jamoadan chaqiruv oling. Men uchun nomlarning va jamoalarning ahamiyati yo'q. Maqsadimiz bitta: jahon chempionatiga chiqish".
Bosh sahifaga
226