Uchrashuv davomida raqibidan har jabhada ustun kelgan "qaldirg'ochlar" ishonchli 2:0 hisobida g'alaba qozondi va o'z hisobiga uch ochkoni yozdirib qo'ydi. Bahsdan so'ng zahiradan maydonga tushib "Bunyodkor"ning o'yinini kuchayishiga hissa qo'shgan Farruh Ikromov fikrlari bilan o'rtoqlashdi.
"O'tgan turda uchralgan mag'lubiyatdan so'ng o'zimizga kelishimiz qiyin bo'ldi. Muhimi o'sha bellashuvda yo'l qo'ygan xatolarimizni takrorlamaslikka harakat qildik. Murabbiylar shtabi mashg'ulotlarda va uchrashuvga tayyorgarlik jarayonida kerakli va zarur ko'rsatmalarni berishdi. Jamoadoshlarim bilan o'zimizni qo'lga oldik va ruhiy jihatdan mazkur bahsga qadar tiklana oldik. Bugun g'alaba qozonishimiz shart edi. Boshqasi bizni qoniqtirmasdi.
"Lokomotiv" ham kuchli jamoa. Lekin, ulardagi vaziyatni ham to'g'ri tushunish kerak. Nazariy mashg'ulotlarda "Lokomtiv"ni o'rganganimizda standart vaziyatlarda boshqacha harakat qilishini ko'rgandik va buni kutgandik. Ularda bo'ydor futbolchilar borligi sabab ikkinchi qavatda etarlicha muammo tug'dirishadi. Raqibga imkoniyat qoldirmaslik uchun bor kuchimiz bilan oldinga intildik",- deydi Farruh Ikromov.
Bosh sahifaga
237