Baxtiyor Ashurmatov shogirdlari Coca Cola Superliga 6-turida Termizning "Surxon" jamoasini yirik 3:0 hisobida taslim qildi. Uchrashuvdan so'ng mezbonlarning tajribali hujumchisi, o'yindagi birinchi gol muallifi Filip Raevac fikrlarini bildirib o'tdi.
"O'z maydonimizda to'p tepishimizga qaramasdan oson o'yin o'tkazmadik. Havo harorati ham juda issiq edi. Bunday sharoitda futbolchilarga oson bo'lmaydi. "Surxon" jamoasi ham munosib qarshilik ko'rsatishga intildi. Ularga nima bo'layotganiga tushunmayapman. Raqib safida tajribali va mahoratli futbolchilar etarlicha.
Karantindan so'ng yaxshi sport formasiga kirib bormoqdamiz. Albatta, gol urib hisobni ochib olganimizdan so'ng bizga bir muncha oson bo'ldi. Bosim yo'qoldi. Kerakli g'alabani qo'lga kiritdik. Ishlab olgan uch ochkoimiz g'alaba uchun tashlangan navbatdagi qadamdir. Biz o'z maydonimizda kechadigan barcha o'yinlarda g'alaba qozonishni istaymiz. Maqsadimiz kuchli beshlikka kirish.
Keyingi turdagi raqibimiz Muborakning "Mashal" jamoasi. Ular ham o'yin uslubi jihatdan "Surxon"ga o'xshaydi. Nasib qilsa yana g'alaba qozonib turnir jadvalida yuqoriroqqa ko'tarilib olamiz degan umiddaman",- deydi Filip Raevac.
Bosh sahifaga
1965