Uchrashuvdan oldin tarkibda hususan himoya chizig'ida Slavko Damyanovich diskvalifikaciyada ekanligi bois uning o'rnini yosh futbolchilardan biri to'ldirishi kutilgandi. Andrey Fyodorov esa yakunda iqtidorli himoyachi Dilshod Komilovga imkoniyat berdi. O'zidan chakki taassurot qoldirmagan mudofaa chizig'i vakili bellashuvdan so'ng fikrlarini bildirib o'tdi.
"G'alaba uchun maydonga tushgan edik. Tezkor gol jamoamizning ruhiyatiga salbiy tasir qildi deb o'ylayman. Agar biz birinchi bo'lib hisobni ochganimizda o'yin surati butkul boshqacha bo'lardi. Ko'rayotgan bo'lsangiz uchta o'yindan beri dastlabki daqiqalardan boshlab darvozamizdan to'p olib chiqmoqdamiz. SHu bois o'zimizga kelishimiz qiyin kechmoqda.
Maydon maysasi og'ir, stadionda havo dim. Bu ham futbolchilarni erkin harakatlanishiga tasir qiladi. To'g'ri, ikkita mag'lubiyatdan so'ng ruhan tiklanish og'ir bo'lmoqda. "Lokomotiv" yoshlarga ham katta etibor qaratmoqda. O'rinbosarlar jamoasidan asosiy tarkibga bir nechta futbolchilar jalb qilinyapti. Keyingi o'yinlarda g'alaba qozonishga harakat qilamiz. "Lokomotiv" hali o'z so'zini aytadi. Bilasiz har yili oldimizga yuqori maqsadlarni qo'yamiz.
Murabbiylarning ko'rsatmalarini astoydil bajarishga intilyapmiz. Ammo, nimadir o'xshamayapti. Bitta g'alabaga erishsak bo'lgani. Jamoamizni kayfiyatini ko'tarib olgan bo'lardik. Hujum chizig'ida jarohat olgan Marat Bikmaev, Abdulaziz Yusupovlar ham safimizga qaytsa kuchli bo'lishimiz aniq. Tushkunlikka tushmaymiz. "Lokomotiv" yanada kuchli bo'lib qaytadi",- deydi Dilshod Komilov.
Bosh sahifaga
228