O'tgan turdagi "Paxtakor"dan uchralgan mag'lubiyatdan so'ng ruhiy tomonlama tiklana olgan "qaldirg'ochlar" derbida "temiryo'lchilar"dan ustun keldi. Bahsdan so'ng tur bezagiga aylangan gollardan birini urgan "Bunyodkor"ning turkmanistonlik legioneri Selim Nurmuradovning fikrlari bilan qiziqdik.
"Men bu onlarni tezroq kelishini kutgandim. Gol urganimdan keyin o'zimga bo'lgan ishonch ortishini bilardim. "Lokomotiv" darvozasiga to'p kiritdim va jamoamga foyda keltirdim. Birinchi gol doim yoqimli bo'ladi. "Paxtakor" bilan o'yindan keyin oldimizda faqat bitta vazifa qolgandi. U ham bo'lsa g'alaba qozonish va muxlislar oldida aybimizni yuvish. Endilikda qolgan uchrashuvlarda maksimal ochko jamg'arishimiz lozim.
Ha, mavsum boshida jarohat olib safdan chiqqandim. Karantin davrida tiklanishga katta etibor berdim. Tezroq tuzalishni va yashil maydonga qaytishni chin dildan xohladim. Bu damlarni o'tkazish juda qiyin bo'ldi. Vadim Karlenovichga bildirayotgan ishonchi uchun katta rahmat aytib qolaman. Uning ishonchini so'ndirmaslik uchun bor kuchimni ishga solaman",- deydi Selim Nurmuradov.
Bosh sahifaga
175