Karantindan so'ng ketma-ket ikki bor g'alabaga erishgan "So'g'diyona" o'z maydonida "Andijon"ni qabul qiladi. Turnir jadvalida "So'g'diyona" 7 ochko bilan 8-o'rinni egallab turibdi. "Andijon" hisobida esa 2 ochko bor va bu jamoa 12-o'rinda boryapti.
Dastlabki uch turda g'alaba qozona olmagan "So'g'diyona" aytib o'tganimizdek, karantindan so'ng qatorasiga ikkita bellashuvni o'z foydasiga hal etdi. Jizzaxliklar uyda "Paxtakor" va safarda "Lokomotiv"dan ustun kelishdi. Bugun "So'g'diyona" o'z maydonida uchinchi o'yinini o'tkazadi.
"Andijon"ga kelsak, bu jamoa mavsum boshidan beri g'alaba qozongani yo'q. "Burgutlar" ikki bor durang o'ynab, uchta bahsda imkoniyatni boy berishgan. O'tgan tur "Andijon" o'z maydonida "Metallurg"ga 0:2 hisobida yutqazib qo'ydi. Bugungi o'yin "Andijon"ning safardagi to'rtinchi bellashuvi bo'ladi va jamoa ilk bor uch ochkoli bo'lishga urinib ko'radi.
P.S. Soat 20:00da boshlanadigan o'yinni "Mahalla" telekanalida to'g'ridan to'g'ri kuzatib boring.
So'g'diyona | Superliga. 6-tur 26/06/2020, 20:00 - : - Boshlanmadi | Andijon |