«Har bir yo'nalish va sohaning rivoji yo'lida matbuotning, ayniqsa jonkuyar jurnalistlarning o'rni va xizmati katta. Xususan futbol rivoji yo'lida bir qator jurnalistlar o'zlarining jonkuyarligi va faolligi bilan millionlar o'yinining targ'ibotiga katta hissa qo'shib kelishmoqda. Bu yo'lda nafaqat internet jurnalistikasi, balki televidenie, radio va boshqa yo'nalishlarda ham matbuot vakillari, shuningdek, kadr ortida xizmat qiluvchi ommaga ko'rinmaydigan qator fidoyi xodimlar katta mehnat qilishadi. Hozirgi zamonda futbolni matbuotsiz tasavvur etib bo'lmaydi.
Umid qilamanki, yaqin yillar ichida nafaqat o'zbek matbuoti, balki jahon mediasi o'zbek futbolining yutuqli lahzalari haqida yozish bilan ovora bo'ladi. O'z ishini professional tarzda bajaradigan, o'rinli tanqid, tahliliy qarash va xolisona yondoshuv bilan qalam tebratadigan barcha matbuot va OAV xodimlarini chin yurakdan tabriklayman va ularga ijodiy muvaffaqiyat tilayman. Yurtimizdagi barcha jurnalistlarni professional kasb bayrami bilan tabriklayman», - deya o'z tilaklarini bildirdi Mirjalol Qosimov.
Bosh sahifaga
600